DILI, STLTIMORLESTE.com – Prezidente Tribunal Rekursu (PTR), Afonso Carmona hatete, planu harii Tribunal Supremu oras nee daudaun programa lao hela.
Prezidente Tribunal Rekursu, Afonso Carmona ba jornalista sira iha Tribunal Rekursu Kuarta nee (23/07/2025) hatete, kona-ba planu harii Tribunal Supremu daudaun nee planu lao hela.
Planu atu harii Supremu Tribunal nee hau hatete ona katak agora planu nee lao hela, ohin hau ho Prezidente bisu bisu ami koalia hela buat nee, kona-ba orariu lao hela, tanba nee hau labele koalia beibeik buat sira nee, orsida ami halo fiksu tiha orariu mak imi sei hatene,” katak PTR.
Maibe nia progresu too ona iha neebe? Hatan ba kestaun nee PTR hatete, progresu nee hahu kedas iha publikasaun no seminariu neebe halao ona nee.
“Progresu ita hahu primeiru mak publikasaun liu husi seminariu, karik imi akompanha hahu husi seminariu publikasaun nee hahu ona, neebe faze inisiu lao ona, agora komesa dia 1 Julhu nee laos koalia planu ona ita koalia eskusaun inklui regra sira neebe atu fasilita prosesu sira nee liga ho karik halo promosaun liga ho dezafiu neebe iha tenke hadia,” katak PTR.
PTR mos promote too Dezembru buat hotu tenke hotu nunee iha Janeiru 2026 bele hahu tanba pedidu husi Prezidente Republika too deit Maiu 2026. Tanba nee nia faze agora lao hela.
Signifika katak uza nafatin prediu tuan Tribunal Distrital Dili ka oinsa? Hatan ba kestaun nee PTR hatete, PTR informa ona ba Prezidente Republika katak, kona-ba fatin iha ona, fatin mak tribunal tuan.
“Fatin mak tuan Kolmera, Tribunal Distrital Dili laos uza ona nee seidauk prepara hela hadia nia fatin para too tempu ida Prezidente dehan instala ona hotu-hotu fiksu ona, fatin nee fiksu ona,” katak PTR.
Nia hatete, fatin fiksu mak iha Tribunal Distrital Dili nia nee maibe nee laos permanente, temporariu deit, tanba sei buka hela Supremu Tribunal nia fatin.
Aleinde nee promosaun ba Juiz sira oinsa? hatan ba kestaun nee Prezidente Tribunal Rekursu hatete, promosaun juiz agora lao.
(eme)
