DILI, STLTIMORLESTE.com – Diretor Servisu Apoiu Diagnostiku no Terapeutiku iha Hospital Nasional Guido Valadares (HNGV), Vidal Lopes hatete, ahi mate iha loron Domingu nee afeta ba funsionamentu iha HNGV no halo ATS Panel nakfera.
“Ahi mate nee iha problema rua, ahi mate husi nivel sentrál mai afeta mos ba funsionamentu HNGV nian, no problema segundu mak ami bolu ATS PANEL neebe terbakar ka moruk, wainhira EDTL.EP nia ahi mate, automatikamente Jeradór iha HNGV moris kedas, mais momentu neeba ATS nee mak rebenta ka nakfera tiha, ahi mai duni maibe ATS mak la funsiona,” hatete Vidal ba jornalista sira iha nia knaar fatin HNGV, Tersa nee (04/03/2025).
Nia esplika, tanba iha momentu neeba tekniku HNGV sira esforsu no konsege hadia maibe uza manuel deit, maibe han tempu, kuaze oras ida, tanba relasiona ho eletrisidade nee iha risku boot ba ema nian vida.
Iha kalan nee kedas tekniku sira hamutuk hodi troka ATS nee agora funsiona hanesan baibain, tanba durante ahi mate oras ida implikasaun ida grave ba HNGV, funsionamentu lao nafatin makina sira hanesan fintilator no seluk tan nee sira nia batrry interna nee durasaun oras rua too oras lima lao nafatin.
“Ahi mate nee makina sira nee lao nafatin, tanba sira iha Batrry interna neebe konserva enerjia, ita haree ahi bele mate mais batrry interna fintilator nian nee bele funsiona no lao nafatin hanesan baibain, tanba nee durante ahi mate nee la fo imitasaun grave, ou ema ruma mate, tanba la uza husi ahi mate,” nia deklara.
Nia informa, bebe nain rua mak mate iha momentu neeba, mais laos kauza husi ahi mate, maibe bebe nia kondisaun grave duni, depois ahi lakan sira mate, ahi bele moris mos bebe nain rua nia kondisaun mak grave duni, laiha relasaun direita impaktu ho ahi mate.
(jen)
