DILI, STLTIMORLESTE.com – Bankada Kongresu Nasional Rekonstrusaun Timorenese (CNRT) husu Ministru Obras Publikas (MOP), Samuel Marcal atu halo avaliasaun ba servisu Prezidente Eletrisidade Timor Leste, Empreza Publika (EDTL, EP), tanba durante mandatu seidauk bele rezolve preokupasaun populasaun kona-ba ahi neebe mate beibeik.
Deputada Bankada CNRT, Cedelizia Faria dos Santos hatete, oras nee ahi mate beibeik no estraga populasaun sira nia sasan barak, maibe kestaun eletrisidade seidauk bele rezolve.
“Neebe hau kestiona Prezidente EDTL,EP nia servisu, nunee hau husu Ministru Obras Publikas atu haree lideransa sira hanesan nee, serake lideransa sira hanesan nee ita hakarak mantein nafatin too agora ga, iha politika ba oin nee halo oinsa, se servisu diak ita mantein, servisu la diak ita mos tenke kestiona,” hatete Deputada Cedelizia liu husi Plenaria, iha Parlamentu Nasional, Segunda (20/01/2025).
Deputada nee dehan, dezde VIII Governu nia tempu too agora nafatin hela deit, servisu nee halo saida deit mak too agora eletrisidade mate hela deit, mate nee mate loos deit ona ba, agora mate tiha oituan lakan fila fali deit, nee estraga populasaun nia sasan.
(alb)
