DiLI, STLTIMORLESTE.com – Relasiona ho eletrisidade daudaun nee mate lakan, parese fasilidade balu aat ou akontese asidente balu, maibe nafatin husu Ministériu relevante toma atensaun.
Tuir Visi Ministru Asuntu Parlamentar (VIMAP), Adérito Hugo katak, kona-ba ahi mate lakan, ida nee husu ba Ministeriu Obras Publiku (MOP) ho Sekretariu Estadu Eletrisidade atu tau atensaun. Enkuantu iha hospital husu Ministériu Saúde atu nafatin haree operasionalizasaun iha hospital liu-liu gerador, nunee tenke lakan 24 oras, karik impedimentu ba enerjia.
“Ahi mate lakan tanba dala ruma akontese asidente balu, balu fasilidade aat, nunee mos torres sira mos balu aat, tanba nee ahi mate lakan”, katak Visi Ministru Asuntu Parlamentar (VIMAP), Adérito Hugo hatete ba jornalista sira, Sesta (25/10/2024), iha Palasiu Governu.
Nia dehan, atu dehan falta de enerjia tanba sentru Hera ho Betanu nia enerjia nee karik iha fasilidade balu, tanba laiha manutensaun ou balun aat, tanba nee implika ba ahi mate lakan.
Enkuantu iha hospital, lo-loos nee tenke nafatin iha gerador rezerva iha hospital sira, nunee karik ahi mate hodi bele utiliza. Gerador iha, maibe presiza iha manutensaun nunee karik akontese ahi mate lakan bele utiliza hodi nafatin halo atendimentu.
(gui)
