DILI, STLTIMORLESTE.com – Maizumenus tuku 12:53 OTL, ai hanehan Sidadaun Indonezia ida iha area Bebonuk no Ambulansian evakua kedas ba Hospital Nasional Guido Valadares (HNGV).
Tuir Komunidade Bebonok, José Manuel Ferreira katak, akontesimentu nee iha oras 12:53 meudia, bainhira sidadaun Indonezia halai hela viajen ho motirizadas (mesak) nunee too iha area besik pertamina Pantai Kelapa, derepente anin boot baku ai-tohar ba estrada klaran hanehan kedan motorizadas neebe uza husi sidadaun Indonezia nee.
Nia esplika, sidadaun nee ema Indonezia no sidadaun refere foin fila husi nia servisu fatin, derepente ai tohar hanehan sidadaun nee.
“Vítima nee ema Indonezia, nia ho motor halai mai pas ai nee mos tohar, nia kondisaun ami haree hanesan iis laiha ona, maibe lori ba hospital,” nia afirma.
Entretantu iha akontesimentu nee komunidade sira halai sai hotu ba estrada hodi haree ema ida neebe latan aan iha ai-matan dukur nia okos, haree ba sidadaun Indonezia nee latan hela iha ai nia okos, komunidade sira oferese tais no hena hodi taka netik nia isin. Liu tiha minutu balun ambulansia too kedan iha fatin akontesimentu hodi evakua vítima ba HNGV hodi halao tratamentu urjensia.
(jen)
