DILI, STLTIMORLESTE.com – Autoridade Inspesaun Fiskalizasaun Atividade Ekonomika Saniatria no Alimentar (AIFAESA) halao inspesaun ba operador ekonomiku iha loron natal no tinan foun, atu faan tuir regra neebe iha.
“Selebrasaun loron Natal no tinan foun husi parte AIFAESA ita trasa ona planu halo inspesaun rutina ba iha estabelesimentu sira hotu, tantu loja kiik no boot alimentar no non alimentares, ita sei kobre hotu,” hatete Diretora Departamentu Operasaun AIFAESA, Claudinha Soares Pinto ba jornalista sira iha Kaikoli, Dili, Sesta nee (6/12/2024).
Nia dehan, sei hasae numeru inspesaun, tanba antes nee halo ekipa ida rua deit, maibe iha loron boot Natal no tinan foun nee sei aumenta tan ekipa para garante inspesaun nee lao iha estabelesimentu sira hotu, hodi garante produtu neebe operadores ekonomiku faan iha loja sira nee kumpri duni regras neebe iha.
(joa)
