DILI, STLTIMORLESTE.com – Autoridade Inspesaun Fiskalizasaun Atividade Ekonomika Sanitária no Alimentar (AIFAESA) realiza seminariu Internasional kona-ba papel AIFAESA atu garante kualidade produtu ba konsumidores sira.
Inspetora Jeral AIFAESA, Odete da Silva Viegas hatete, seminariu Internasional ida nee selebra ohin, servisu hamutuk ho entidades relevante liu-liu husi orgaun estrutura AIFAESA nian neebe haree ba importansia papel AIFAESA nian iha kontekstu nasional.
“Haree liu ba situasaun agora neebe ita nia rain enfrenta, liu-liu oinsa atu asegura ai-haan neebe seguru ba ita nia konsumidores sira, seminariu ida nee ami halao ho hanoin ida bolu mos orador internasional emperitu husi rai laran nomos rai liur husi Unido Organizasaun mundial neebe haree kona-ba asuntu infraestrutura no Organizasaun Saude Mundial koalia ai-haan seguru, Ministriu Saude papel ida neebe mak kontribui ba AIFAESA nian,” dehan Odete ba jornalista sira iha Otel Timor, Kinta nee (14/11/2024).
Nia dehan, iha seminariu nee partisipa husi operador Ekonomiku, distributor sira, emprezariu sira, tanba emprezariu mak sai nain ba servisu sira nee, AIFAESA halo fiskalizaun ba sira nia servisu, nunee operator sira nee prienxe duni rekezitus neebe AIFAESA fo atu labele fo risku ba konsumidores sira.
Tanba nee AIFAESA laos servisu mesak, maibe servisu integradu, IQTL, MS, MAPPF, MKI, Tane Konsumidores iha Ina ekipa traballu ida halo enkontru mensal atu buka solusaun ba problema sira neebe konsumidores hasoru. Maski AIFAESA rasik iha rekursu neebe limitadu hanesan rekursu umanu, nomos rekursu transporte.
“Maibe iha fulan rua nee ami halo ezersisiu atu ekipa bele tun ona ba terenu ba Munisipiu hotu, tanba ita tama ba natal no tinan foun mobilizasaun sasan merkadu nian iha fronteira seidauk makaas,” dehan nian.
(joa)
