DILI, STLTIMORLESTE.com – Daudaun nee aimoruk abate no fomigasaun sei sufisiente iha Servisu Saude Munisipiu Díli (SSMD), hodi atende kazu dengue.
Haktuir Diretor Servisu Saude Munisípiu Dili (SSMD), Mateus Pinto ba STL iha nia knaar fatin SSMD Formoza, Tersa (05/11/2024).
“Hau atu dehan, daudaun nee aimoruk abate no fomigasaun sufisiente iha SSMD atu atende ba kazu dengue neebe mak iha,” hatete nia.
Nia dehan, kona-ba abate, profisional saude sira tama sai uma hodi tau ba komunidade sira nia bee tanki neebe sira uza hodi haris.
Nia afirma, pesoal saude sira tama sai uma hodi fahe aimoruk abate no fomigasaun mos hanesan wainhira kazu dengue iha. Sira sempre rega susuk, tanba agora daudaun tempu udan monu rai, tenke hamoos idak-idak nia bairu, atu nunee prevene moras dengue.
(jen)
