DILI, STLTIMORLESTE.com – Aimoruk item 24 iha Sentru Saude Munisipiu Ermera laiha, agora daudaun aimoruk item 118 mak sei iha, hodi atende ba pasiente sira neebe presiza.
“Agora ho total 118 item nee, so item 24 mak laiha, restu nee iha,” hatete Diretor Servisu Saude Munisipiu Ermera (SSME), Antonio de Deus Fatima ba STL sira iha Hotel Timor, Dili, Kinta (24/10/2024).
Nia dehan, daudaun nee stok aimoruk iha fasilidade saude sira iha Gleno sufisiente, tanba sira bele fo atendimentu ba pasiente hanesan baibain.
Iha fatin ketak, Pasiente Francisco do Carmo deklara, aimoruk iha Sentru Saude Comoro (SSC) sufisiente hela, tanba sira ba konsulta sira simu aimoruk tuir pasiente nia moras.
“Hau senti aimoruk iha Sentru Saude Komoro iha, tanba durante hau mai simu aimoruk tensaun nian iha, uluk liu ba aimoruk nee laiha, entaun hau ba sosa deit iha klinika pribadi sira nee,” nia Informa.
Nunee mos Diretor Ezekutivu INFPM, Brigidio de Deus deklara, stok aimoruk iha Institutu Nasional Farmasia no Produtu Médiku (INFPM) sufisiente, tanba sepmre distribui ba Hospital Referal sira, hodi fo ba Sentru Saude iha Munisípiu sira.
(jen)
