DILI, STLTIMORLESTE.com – Relasiona ho kampu trabalhu neebe mak menus iha rai laran, halo joven barak ba servisu iha rai liur, tanba nee husu Governu presiza iha politika kria kampu trabalhu ba joven sira.
“Iha ita nia rai kampu traballu menus, halo ita nian joven barak sai ba iha rai liur hanesan Australia no Corea ba servisu iha rai liur, presiza governu iha politika ida hodi kria kampu traballu ba ita nian joven sira,” dehan Reitor Institute Ciensia Saude (ICS), Leao Borges ba STL, Kinta (04/12/2025).
Nia hatutan, situasaun nee halo joven barak tenke sai ba liur, tanba deit kampu servisu iha rai laran menus. Tanba nee husu governu nia atensaun ba asuntu nee.
Iha fatin seluk Diretur Ezekutivu TLCE, Jose Monteiro dehan, los duni too agora graduadus barak maka seidauk hetan servisu no balun ba servisu iha rai liur, tanba iha rai laran menus kampu servisu.
“Too agora ita nian graduadus barak maka seidauk hetan servisu no balun ba servisu iha rai liur, tanba iha rai laran nee menus kampu servisu,” dehan nia.
Nunee mos Reitor ISC, Sebastiao Perreia dehan, universidade prepara deit ema, maibe liga ba menus kampu traballu, nee governu maka bele loke kampu servisu ba graduadus hirak neebe hotu ona estudu iha universidade.
Jornalista: Jacinta Sequeira
Editora: Domingas Gomes
