DILI, STLTIMORLESTE.com – Relasiona ho aban selebrasaun ba misa Domingu Ramos, komunidade halo limpeza jeral iha Kapela São Sebastião Hudi Laran.
Lia hirak nee hatoo husi Xefe Aldeia Likarapoma, Rogerio dos Santos Exposto ba jornalista STL iha Bairo Pite, Sabadu nee (12/04/2015).
“Ohin limpeza jeral, tanba nee ohin aldeia neen mak halo limpeza iha kapela São Sebastião Hudi Laran, Suku Bairo Pite, Aldeia Dibil, Ditaba, Laloran, Teki-teki no Likarapom, aldeia sira nee mak ohin halo limpeza jeral ba iha preparasaun aban selebrasaun misa semana santa, liu-liu Domingu Ramos ninia, limpeza ida nee too loraik, tanba sei hatama rai ba konstrusaun kapela foun neebe agora daudaun sei iha faze konstrusaun nian laran,” dehan nia.
Nia afirma, komunidade aldeia neen nee mai halo limpeza idak-idak lori sira nia katana, aisar, feto ho mane mai hotu, tanba aban nee misa ba Domingu Ramos ninia, nee tenke halo preparasaun ohin, nee mak dader nee halo limpeza.
“Nuudar autoridade lokal dader nee avizu ba komunidade sira hodi hakat mai iha kapela halo limpeza jeral, hodi prepara misa ba Domingu Ramos ninia, atu nunee ita nian selebrasaun nee bele lao ho diak,” nia dehan.
(jac)
