DILI, STLTIMORLESTE.com – Timor Leste ho Indonezia hahu halo negosiasaun Fronteira Maritima, Eis Primeiru Ministru atual Sekretariu Jeral Partidu FRETILIN, Mari Alkatiri dehan, labele bosok beibeik povu no labele kari rai rahun ba povu nia matan, tanba Naktuka deit mos seidauk rezolve.
Sekretariu Jeral Partidu FRETILIN, Mari Alkatiri hatoo kestaun nee ba jornalista sira iha Farol, Tersa (19/08/2025).
Nia batere, oras nee naktuka deit seidauk rezolve, maibe Governu ba tan halo negosiasaun konaba Fronteira Maritima nee bosok povu no karii rairahun ba povu nia matan deit. Atu rezolve problema Fronteira Maritima entre Timor Leste ho Indonezia nee sei lori tempu.
“Nee lori tempu naruk, sei lori tempu naruk, hau dehan mak ida nee kuandu ita lakon ona lezitimidade iha rai laran, ita buka halo asaun internasional para dehan ita iha, la presiza bosok nafatin povu. Se naktuka seidauk rezolve sa fronteira maritima mak ita bele rezolve ho Indonezia laiha, prozesaun husi rai mak ba tasi husi leten nee laiha problema, pulau iha nee kiik barak seidauk naktuka, derepente entrega tiha naktuka para atu rejolve la entrega naktuka agora dehan negosiasaun Fronteira Maritima, nee para atu hatudu katak ami sei kontinua buka lejitimidade internasional,” katak Mari Alkatiri.
Eis Primeiru Ministru nee hatete, lori ba ema mai halo reuniaun iha Timor Leste, tanba laiha ona lejitimidade negosiu iha rai laran no buka lezitimidade internasional nee para soe nafatin rai rahun ba povu nia matan.
Nia hatete, kona-ba akordu nee atu rezolve maibe sei lori tempu. Tenke rezolve uluk Naktuka, se karik hakarak halo negosiasaun seriu haree uluk tasi kosta sul laiha problema boot ho Indonezia, tanba Fronteira neeba define ona husi primeiru governu kedas.
(eme)
