DILI, STLTIMORLESTE.com – Eis Primeiru Ministru atual Sekretariu Jeral Partidu FRETILIN, Mari Alkatiri hatete, buibere barak hetan violensia oin-oin no barak fo aan ba mate hodi lori rai nee ba hetan ukun rasik aan.
Liu husi mensajen Sekretariu Jeral hatoo parabens ba OPMT no parabens feto Timor-Leste buiberes tomak no mauberes hotu kompratiota Kamarada FRETILIN, nuudar Sekretariu Jeral FRETILIN no Fundandor RDTL, iha loron espesial ida nee hatoo mensajen ida ba loron 28 fulan Agostu loron OPMT nian.
“OPMT hanesan organizasaun massa FRETILIN nian moris iha tinan 50 ba kotuk iha dia 28 de Agosto 1975. Husi 28 agostu 1975 buibere barak mak f o aan ba mate hetan violensia husi violasoens oin-oin iha 1975. 28 agostu ida nee Sekretario Gerais OPMT nian barak hahu 4 ou 5 ona mak husik ona ita molok atu tama ba tinan 50 ita foin hatene, ita hatene hotu katak ikus liu Sekretariu Jeral husik ita mak Kamarada Florentian Smith (Murak) iha loron 26 fulan ida nee duni ita ba halot ona nia isin iha jardim dos erois, halot nia isin hanesan heroina ida hanesan martires ida ba prosesu tomak kue hahu iha luta de rezistensia ba libersasaun Nasional,” dehan SekJer Partidu FRETILIN, Mari liu husi mensajen neebe Publika husi nia Pajina Ofisial, Kinta (28/08/2025).
Eroina tuir Fundador RDTL nee katak, hanesan Martires ida ba prosesu tomak ke hahu iha lutarezistensia Libertasaun Nasional Kamarada murak hanesan eroina, hanesan martire ida sai mos fini ida diak ba hotu hotu liu-liu ba feto Timor.
“Biar nia husik ita hotu, tempu ida kue ita hotu hakarak komemora loron OPMT nian liu husi ita ninia Historia ninia jornada da luta, e nia husik atu bele buras iha ita ida-idak ninia isin laran liu-liu ba buibere sira nian isin laran tamba nee duni 50 anos ita kontinua rejste nafatin biar ho susuar rejisti mos ho orgulho katak Feto Timor mos sai Heroina, sai refererensia ba ita hotu feto ka mane,” dehan Fundador RDTL nee.
Maibe Eis Primeiru Ministru iha Primeiru Governu Konstitudional nee dehan, loron 28 fulsn Agostu ohin loron murak mai murak husik mai loron murak nee mos, tanba nee mai hotu hotu halibur para atu halo reflesaun boot ida ba prosesu tomak lori too ohin e para la iha define ba momentu ida nee atu halo hanusa mak bele sai kontinuador ba prosesu ida nee too realiza mehi, mehi ida atu kore feto husi dominasaun oi-oin, no esplorasaun oin-oin.
“Bainhira ita kore feto husi dominasaun oi-oin, kore feto husi esplorasaun oi-oin ita konsege duni atu kore minimu 50% ba povu tomak ne signifika kue boot para atu halao dezenvolvimentu ida para atu konsege gender balance ida kue positivu tebes para atu atu halao prosesu ida halibur ema hotu-hotu iha objetivu ida deit, kore povu husi mukit husi kiak,” katak nia,
Sekretariu Jeral Partidu FRETILIN nee mow husu atu tur halo reflesaun no kontinuaba banati tuir ezemplu husi Kamarada Murak nian, bele laran susar mos tenki hatene orgulhu ba nia ema sira neebe hatudu dalan loos.
Jornalista: Emerenciana Pinto
Editora: Carme Ximenes
