DILI, STLTIMORLESTE.com – Eis Primeiru Ministru atual Sekretariu Jeral Partidu FRETILIN, Mari Alkatiri hakarak Greter Sunrise mai Timor Leste (TL), maibe bainhira mak Governu ida nee lori mai implementa hodi fo benefisiu ba povu.
Kestaun nee Mari Alkatiri hatoo liu husi konferensia imprensa neebe halao iha salaun CCF, Komoro, Dili, Kinta (07/11/2024).
“Seidauk garante Greter Sunrise mai ka lae, maibe hau hakarak Greter Sunrise mai Timor Leste, maibe bainhira ita halo uluk jalan tol, ita halo uluk Aeroportu ida la serve buat ida agora iha orsamentu tau tan osan ba Aeroportu, ita suplay base lalao ba oin, primeiru ita tenke garante Greter Sunrise nee mai TL,” hatete SekJer Partidu FRETILIN, Mari.
Sekretariu Jeral Partidu FRETILIN nee afirma, atu garante Greter Sunrise mai iha Timor Leste, nee programa estratejiku presiza sosiedade tomak nia partisipasaun.
“Atu garante Greter Sunrise mai Timor Leste, tenke hatene programa estratejiku liu governasaun ida nia, nee sosiedade tomak tenke partisipa iha prosesu nee husi sira nia reprezentante, laos o halo tiha infraestrutura bobot mak la mai fali halo nusa osan sira nee halo ba saida, agora deit jalan tol la funsiona atu hadia tan objetivu saida hakarak jalan tol nee nia retornu mai husi neebe,” dehan nia.
Maibe Alkatiri dehan, hakarak hadia tan jalan tol nia returnu nee mai husi neebe, tanba infraestrutura deit laiha returnu neebe mak diak. Bele halo buat hotu-hotu maibe returnu nee mai husi minarai nee sala, tanba osan duit ida sai husi minari nee tusan, tanba osan nee laos monu husi lalehan maibe tusan.
(eme)
