DILI, STLTIMORLESTE.com – Sekretariu Jeral Partidu FRETILIN, Mari Alkatiri hatete, eviksaun neebe mak halo husi IX Governu liu husi SEATOU halo povu terus barak tanba la kria uluk kondisaun, hatan ba kestaun nee Primeiru Ministru, Kay Rala Xanana Gusmão hatete, nia foti liman ba FRETILIN.
Sekretariu Jeral Partidu FRETILIN, Mari Alkatiri dehan, eviksaun barak-barak neebe IX Governu Konstitusional halo nee la iha planu neebe diak, nunee populasaun barak tenke lakon sira nia hela fatin, hatan ba asuntu nee Primeiru Ministru Kay Rala Xanana Gusmao hatete, koalia kapas los no Primeiru Ministru foti liman.
Primeiru Ministru Kay Rala Xanana Gusmão hatoo kestaun nee ba jornalista sira bainhira remata halo enkontru semanal ho Prezidente Repúblika Jose Ramos Horta iha Palasiu Prezidensial Nikolao Lobato, Bairo Pite, Kinta nee (24/07/2025).
Primeiru Ministru hatete, indemnizasaun nee la fo osan maibe haruka ba banku mak transfere, laos haruka direita ba komunidade afeitadu sira.
Kona-ba Deputadu Bankada FRETILIN nomos Sekretariu Jeral Partidu FRETILIN neebe kestiona makaas kona-ba desizaun Governu liu husi SEATOU neebe halo eviksaun ba komunidade maibe la kria uluk kondisaun, hatan ba ida nee PM hatete, ide kapaas, FRETILIN hakarak liberta povu mak hanesan nee.
“Nee kapaas los, nee hau foti liman ba FRETILIN liberta povu nee hanesan nee,” katak primeiru Ministru Kay Rala Xanana Gusmão.
Aleinde nee Primeiru Ministru mos sempre apela ba iha membru governu atu ezekuta orsamentu sira no durante nee PM nia monitorizasaun lao oinsa ona hatan ba kestaun nee Primeiru Ministru hatete, durante nee la lao ba Ministeriu tuur deit fatin.
“Durante nee hau la lao ba Ministeriu, hau tuur deit hau nia fatin neebe hau seidauk hatene,” dehan Primeiru Ministru.
Iha loron Kuarta, Sekretariu Jeral Partidu FRETILIN, Mari Alkatiri hatete, eviksaun barak-barak neebe IX Governu Konstituisional halo nee la iha planu neebe diak, nunee populasaun barak tenke lakon sira nia hela fatin.
SekJer FRETILIN dehan, sira halo eviksaun barak-barak, povu barak agora buka hela uma la hetan, buat sira nee hotu, nee mak progresu.
Alkatiri afirma, nee laos despeza administrativu maibe nee despezu administrativu sein politika no sein planu neebe diak tanba la iha planu no programa neebe fiksu.
Tanba tuir lo-loos atu hasai populasaun sira tenke kria uluk kondisoens ba populasaun sira, hanesan lori populasaun sira ba hela iha uma mahon ruma laos duni fali populasaun sira idak-idak fila ba nia munisipiu.
(eme)
