DILI, STLTIMORLESTE.com – Eis Primeiru Ministru atual Sekretariu Jeral Partidu FRETILIN, Mari Alkatiri konkorda ho deklarasaun husi Primeiru Ministru, Kay Rala Xanan Gusmão neebe hatete sei halo auditoriu ba servisu VIII Governu.
“Hau konvida atu halo auditoriu ba VIII governu bainhira hahu too fim, tanba saida mak maioria ida uluk atu hatun nia governu rasik hahu husi nee, VIII Governu laos deit ida FRETILIN viabiliza nee, auditoria nee normal maibe prepara aan para simu rezultadu auditoria, laos halo tiha auditoria hatudu ita nia sala, ita dehan taka fali auditoria, atu halo fali auditoria ba auditoria,” dehan Mari.
Nia dehan, hanoin uluk sai profeta ikus nakonu deit ho promesa laos profeta deit maibe nakonu ho promesa, promete ba promete maibe la kumpri nee mak realidade.
“Hau kontra Auditoria mai labele koalia halo politika deit depois para hetan votus, mais kuandu auditoria halo ita hotu respeita kuandu ba tuur iha tribunal ita lalika tauk ba tuur iha tribunal, barani ka fo sala fali ba ema seluk,” katak nia.
Entretantu hatan kona-ba Governu rasik hakarak halo auditoria, maibe la prepara referensia naran konvida deit mai halo auditoria, no Mari dehan nia hakarak ohin halo auditoria mos nia prontu.
“Atu halo auditoriu internasional mai maibe ita rasik la prepara termu referensia saida mak ita hakarak sira halo auditoria laos naran konvida naran naran mai halo ona, maibe hau hakarak auditoria nee akontese ohin, maibe bainhira mak akontese maibe define didiak termus ida neebe laos bosok deit povu nafatin,” hatete Mari.
Nia dehan, hakarak halo auditoria bele halo konta husi VIII Governu hahu iha sa fulan no sa tinan no hakotu sa tinan no sa tinan mak FRETILIN viabliza.
(eme)
