DILI, STLTIMORLESTE.com – Eis Primeiru Ministru atual Sekretariu Jeral Partidu FRETILIN, Mari Alkatiri la konkorda Governu aloka orsamentu ho montante boot ba iha Ministeriu Obras Publiku, tanba sira la konsege ezekuta.
“Primeiru, hau la konkorda tanba sira la konsege ezekuta, kapasidade ezekusaun ita konhese ona atu dehan ezekusaun ho kualidade minimu kapasidade fundu infraestrutura para atu ezekuta lo-loos ho kualidade mak US$ 200 milhoens, ida bee halo daudaun nee laiha kualidade, udan boot imi haree estrada bobot sira loke iha sei sai mota, imi rona hau hatete sei akompanha sei sai mota, estrada bobot neebe mak hadia tiha ona karreta bobot mak halai ba leten sei aat hotu, buat sira nee ligadu hotu,” dehan Mari liu husi konferensia imprensa neebe halao iha salaun CCF, Komoro, Dili, Kinta (07/11/2024).
Nia dehan, bainhira halo tiha estrada bobot iha kapital Dili mak komunidade sira rega beibeik mos sei estraga fali deit, tanba nee tenke iha vizaun teknika nee tenke hamutuk labele halo deit laiha kontrola.
Kuandu halo infraestrutura ida ba oin tenke tau 15% para halo manutensaun infreaestrutura, se infraestrutura mak laiha kualidade 15% mos la too nee manutensaun nee rutina.
“Maluk sira hau koalia nee tanba hau preokupa duni ho rai ida nee. Tanba ita haree gasta maibe laiha rezultadu, hakarak pensaun vitalisia taka diak liu taka maibe husu ba sira neebe mak simu fatin rua nee sira mak tenke justifika uluk, simu nafatin pensaun vitalisia no simu regalias hanesan titulares orgaun soberania hau nunka akontese ho ida nee,” katak nia.
(eme)
