DILI, STLTIMORLESTE.com – Sekretariu Jeral Partidu FRETILIN, Mari Alkatiri rona Primeiru Ministru (PM), Kay Rala Xanana Gusmão atu rezigna aan husi nia kargu nuudar PM.
Maibe Fundador RDTL nee husu ba Primeiru Ministru, Kay Rala Xanana Gusmão lalika rezigna aan no diak liu buka dalan oinsa hamutuk rezolve povu nia moris.
“Hau mensajen foin lalais hau dehan ba trata ba irmaun Xanana hau rona dehan rezigna aan, ita rezigna so bele salva povu lakohi ona povu atu mate nafatin no lakohi povu terus nafatin, ita rezigna aan tanba ita ka kontrola Governu rasik nee lalos, nee diak liu remodela Governu halo Governu kiik mai ita hanoin hamutuk,” dehan Sekretariu Jeral Partidu FRETILIN, Mari ba jornalista sira iha salaun Farol, Dili, Kuarta (27/08/2025).
Eis Primeiru Ministru iha Primeiru Governu Konstitusional nee sujere ba Primeiru Ministru atu labele rejigna aan, maibe remodela Governu ida kiik hamutuk lori povu ba moris diak, la presiza kaer liman ba malu, la presiza hakoak malu maibe tau hanoin hamutuk.
“Se halo Governu kiik ida mai hanoin hamutuk, nia halo sasan ida ke diak hau mos kontente, hau ladehan hau mak ba ukun para atu sai diak, hau dehan se mak ukun haree povu nia diak, hau mos laos Profeta lahalo milagre, uluk hau ukun osan laiha,” katak Mari Alkatiri.
Hatan kona ba Primeiru Ministru rejinga aan tanba saida, Mari dehan, nia rona maibe karik laloos husu deskulpa ba Primeiru Ministru.
“Hau rona maibe karik lalos hau husu deskulpa ba Primeiru Ministru, mais dehan entrega tiha karta rezignasaun no nomeia membru atual ida ba Primeiru Ministru, maibe Prezidente Republika mak la konkorda istoria barak,” katak Mari Alkatiri.
Karik rona ida nee loos diak liu lalika rezigna aan, tanba jerasaun tuan labele halai husi idak idak nia responsablidade, tenke husik legado diak ba rai aban bainrua sai diak liu.
Haree estrada laiha, bee moos ba povu, estrada bobot maibe ekonomia ba povu laiha, estrada bobot maibe aimoruk atu salva povu laiha, doutor espesialista barak maibe akipamentus salva povu laiha, maibe gasta ona osan 27 ribu juta husi fundu minarai nee laos oituan.
“26 referedum ita gasta 1000 juta kada tinan husi referendum mai ita gasta ona 1000 juta laos ita mak gasta ita so gasta husi 2005 osan komesa tama 2006 uluk hau ukun haknaok,” katak Sekretariu Jeral Partidu FRETILIN nee.
(eme)
