DILI, STLTIMORLESTE.com – Sekretariu Jeral Partidu FRETILIN, Mari Alkatiri dehan, nia rona Primeiru Ministru (PM) Kay Rala Xanana Gusmão atu rezigna aan husi kargu nuudar Primeiru Ministru, hatan ba kestaun nee Xanana hatete, aban nia mai aitonka.
Primeiru Ministru Kay Rala Xanana Gusmão hatoo kestaun nee ba jornalista sira bainhira remata halo enkontru semanal ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Kinta (04/09/2025).
Tuir informasaun neebe jornalista rona husi Sekretariu Jeral Partidu FRETILIN, Mari Alkatiri katak, Primeiru Ministru sei rezigna aan husi kargu nuudar Primeiru Ministru, informasaun nee los ka lae? Hatan ba kestaun nee Primeiru Ministru hatete aban nia mai aitonka.
“Aban nia mai Governu Aitonka,” dehan Primeiru Ministru Xanana Gusmão.
Jornalista: Emerenciana Pinto
Editor: Xisto Mendonça
