DILI, STLTIMORLESTE.com – Jurista balu konsidera desizaun Tribunal Rekursu (TR) kona-ba Inkonstitusionalidade nulu, tanba la prienxe rekezitu, maibe Prezidente Asosiasaun Majislatura Judisial (AMJ) Antoninho Gonsalves dehan prienxe hela koletivu.
“Prienxe hela koletivu no baibain lao hela hanesan nee no haree prense koletivu ho Juiz nain tolu,” dehan Antoninho ba STL, Kuarta (27/08/2025).
Tuir Antoninho, antes nee desizaun sira neebeTribunal Rekursu (TR) foti ona sempre mai ho Juiz Koletivu, tanba haree ba rekursu neebe iha.
Tanba nulidade nee iha oin rua sanavel no insanavel, sanavel katak bele kura, se sira sente dehan la prense kolektivu durante prazu nia laran sira tenke foti kestaun maibe tenke ho fudamentu, no bele iha prazu loron 5 ka loron 10.
No insanavel labele notifika ba sira, kuandu prosesu tama, ezemplu akuzasaun tama mai iha TR arguidu la iha Juiz la presiza husu ba Advogadu no Ministeriu Publiku (MP), maibe ofisiozamente Juiz haruka prosesu nee fila fali ba iha MP atu halo investigasaun tamba la prense rekejitu.
Iha fatin ketak, Jurista Alexandre Corte Real dehan, desizaun Tribunal Rekursu nulu.”Deklara nulu tanba, labele dehan Carmona la vale, Prezidente nomeia bazeia ba lei Organizasaun Judisiaria neebe Parlamentu Nasional aprova nee, lei nee sei vale entaun nomeasaun Prezidente Republika nian sei vale,” dehan Jurista Alexandre.
Nia hatutan, desizaun neebe Tribunal Rekursu foti nulu no lavale hodi dehan Prezidente nomeia PTR lavale, tanba Prezidente nomeia bazeia ba PN aprova lei organizasaun Judisiariu neebe vale hela, se lei nee la funsiona maka PR nomeia lavale.
Aleinde nee, Jurista Sergio Dias Quintas dehan, desizaun Tribunal Rekursu (TR) iha efeitu Juridiku,” desizaun TR efeitu Juridiku, katak se PTR kontinua halao knaar nafatin maka nia kompetensia nee sei la hamosu efeitu juridiku, tanba nia la iha lejetimidade juridiku ida adekuadu, karik iha possibilidade loron ruma ema kestiona juridikamente, bele iha responsabilidade krimanal,” dehan Jurista, Sergio.
(ter)
