DILI, STLTIMORLESTE.com – Sua Santidade Papa Francisco vizita Timor Leste (TL) durante loron tolu nia laran, hahu husi loron 9-11 Setembru 2024, tanba nee ninia prezensa iha TL seidauk lakon husi Timoroan nia memoria, basa ita nia sentimentu sei lasu ida metin ho Amu Papa.
“Amu Papa Francisco nia prezensa iha TL seidauk lakon husi ita Timoroan ninia memoria, ita Timor nia sentimentu sei iha lasu ida metin ho Amu Papa Francisco, tanba nia mai vizita ita nia rain, Amu Papa Francisco ema hanaran Papa povu nian,” hatete Amu Paroku Imaculada Conceição da Virgem Santa Maria, Padre Paulus Maya liu husi nia omilia wainhira prezide misa Réquiem ba Sua Santidade Papa Francisco iha Igreja Katedral Dili, Tersa nee (22/04/2025).
Tanba ninia sentimentu umanu nee klean tebes-tebes ho nia maluk sira, tanba razaun ida nee mak foti naran Papa Francisco hodi reflete ba São Francisco nia moris, São Francisco de Asis ema neebe riku halo aan kiak hodi hadomi ema kiak sira no hadomi natureza, tanba nee Papa Francisco hasai Ezotasaun Lau Dato Si.
“Ita sei hanoin mensajen ikus iha misa Tasi Tolu, wainhira Amu Papa termina misa, nia hameno hela liafuan ruma ba ita Timoroan, tanba nee ninia liafuan sei rai iha ita neon, kuda nafatin iha ita nia fuan, tau nafatin iha pratika iha ita nia moris hanesan sarani,” hatete Amu Paulus.
Amu Papa Francisco dehan, Timoroan haklean ninia fiar, hametin imi nia fiar maioria Timoroan sira, hau fiar Katolika hanesan sarani.
Maske Timoroan maioria Katoliku, Amu Papa Francisco rekomemda mai ita atu portifika ita nia fiar, haboot ita nia fiar, nia bolu atensaun bazeia ba figura Timor nian mak lafaek, Amu Papa husu ita atu kuidadu lafaek, Papa dehan lafaek bele oho buat hotu, bele estraga buat hotu, estraga ita nia fiar, estraga ita nia kultura, estraga ita nia unidade, lori destroisaun ba ita nia rain, ba ita nia aan ba familia no buat sira seluk, tan nee kuidadu ho lafaek.
Atu lori sarani sira komprende ifiltrasaun invazaun neebe haksumik aan buat oin-oin ho forsa ema nian, maibe ho ninia karakter lafaek.
Tanba nee Papa rekomenda mai ita kuidadu lafaek ho modelu oin-oin, mai atu estraga no bele halakon ita liu-liu ita nia identidade hanesan Timoroan, identidade hanesan sarani.
(joa)
