DILI, STLTIMORLESTE.com – Previzaun anin bá ohin Kinta (05/02/2026), alerta ba velosidade prinsipalmente iha Kosta Norte no Leste, liu-liu iha munisipiu sira hanesan Dili, Atauro, Baukau, Manatuto no Lautem.
Tuir informasaun neebe STL asesu husi media DNMG Kinta nee (05/02/2026) katak, velosidade anin ba loron ohin sei kontinua persiste intensifika, prinsipalmente iha Rejiaun Kosteiras/tasi ibun, iha neebe sei kontinua huu ho velosidade forte ba forte liu/extremu (21-38 km/h), liu-liu iha munisipiu sira neebe mensionadu ona iha leten. Enkuantu restante munisipiu sira seluk, kondisaun refere sei varia husi normal ba moderadu/naton (9-20 km/h) tantu iha rejiaun central no oeste kuantu iha Sul.
Entertantu kondisaun laloran tasi iha Kosta Norte no Leste. Laloran tasi nia aas ba loron ohin sei varia husi normal ba moderadu/naton (0.8-1.3 m) prinsipalmente iha Kosta Norte no Leste, liu-liu iha munisipiu sira hanesan: Manatuto, Baukau, Lautem no Atauro. Enkuantu iha Kosta Sul, kondisaun refere sei varia husi normal(0.6-1.0 m).
Kondisaun tempu Ministerio dos Transportes e Comunicações (MTC) liu husi DNMG hakarak informa ba publiku katak, kondisaun atmosfera ba loron ohin sei kontinua permanese instavel, iha neebe sei kontinua favorese udan ho intensidade chufiska ba fraku kuaze iha territoriu nasional, tantu iha Rejiaun Kosteiras kuantu iha Rejiaun Montanhosa/Foho durante periodu loraik ba inisiu kalan.
(dom)
