DILI, STLTIMORLESTE.com – Autoridade Nasional Petroleo (ANP) hamutuk ho Sekretariu Estadu Arte no Kultura (SEAK) loke projetu ba konstrusaun Biblioteka Nasional iha Timor Leste (TL).
“Ita loke projetu ba Biblioteka Nasional, ho programa neebe boot no montante orsamentu kuaze rihun US$ 12, neebe finansia husi SEAK hamutuk ho ANP atu jere projetu nee, hodi loke Biblioteka Nasional iha Dili, area Hudilaran nian,” dehan Visi Prezidente Autoridade Nasional Petroleu (ANP), Quintino Pereira Bere ba Jornalista sira iha City 8 Manleuana, Dili, Sesta (22/11/2024).
Tuir Visi Prezidente nee, projetu neebe loke ba publiku liu husi vagatura Website ANP nian nee hatudu katak, liu husi kriteria no prosesu kompanhia empregador ENI-ANP nian loke projetu nee atu kontraktor sira atu aplika, kuaze fulan ida nia laran, hodi kontraktor sira bele submete sira nia dokumentu.
Tanba nee husi projetu neebe anunsia, presiza kontraktor nain 30, maibe realidade kontraktor nain 6 mak aplika, nunee prosesu verifikasaun ANP sei haree didiak, katak antes ba halao projetu Biblioteka Nasional nee presiza kontraktor sira tau garantidu ho banku, no montante orsamentu 20%, nunee projetu nee kuandu labele lao, osan kontraktor sira labele fo fila.
Nia dehan, kompanhia neebe aplika ba projetu refere maioria mai husi kompanhia Xina, no karik husi dokumentu neebe ohin kompanhia submete mai ona iha ANP, katak sira prontu harii Biblioteka Nasional, presiza moris kriteria, hanesan sira uza sira nia osan, halo projetu, rai osan 20% iha banku hafoin halo konstrusaun.
Tamba nee husi programa ba konstrusaun Biblioteka Nasional nee apoiu masimu husi SEAK, neebe mai ANP uza nia kompetensia hodi jere programa refere, nunee kontraktor sira neebe sai vensedor ba programa, parte relevante sira sei halo verifikasaun didiak hafoin sira bele halao servisu.
(EST 1)
