DILI, STLTIMORLESTE.com – Total aplikantes bolsa kandidatu profesores 2025 neebe aprovadu ka liu selesaun dokumentus hamutuk 10.679, feto 5.748 no mane 4.931.
Haktuir Diretor Nasional Rekursu Umanu iha Ministeriu Edukasaun, João Amaral dehan, total aplikantes aprovadu ka liu selesaun dokumentus hamutuk 10.679, feto 5.748 no mane 4931, kommpostu husi aplikantes rekrutamentu publiku neebe aprovadu ka pasa selesaun dokumentus hamutuk 9.953, feto 5.379 no nane 4574.
Aplikantes eis kontratadus 2023 ne’ebé aprovadu ka pasa selesaun dokumentus hamutuk 731, feto 371 no mane 360.
Total aplikantes la aprovadu ka la liu selesaun dokumentus hamutuk 974, feto 494 no mane 480), kompostu husi aplikantes rekrutamentu publiku neebe la aprovadu ka la pasa selesaun dokumentus hamutuk 936, feto 485 no mane 451.
Aplikantes eis kontratadus 2023 ne’ebé la pasa selesaun dokumentus hamutuk 38, feto: 9 no mane 29.
La admitidu ka la pasa kriteria selesaun dokumentus tanba idade ultrapasa 53 hamutuk 18,
la pasa tanba la prienxe kriteria minimu abilitasaun akadémika/area estudu inelejivel/la submete dokumentu neebe rekeridu hamutuk 669, no la pasa tanba diploma la hetan legalizasaun husi MESC hamutuk 287, teste nee sei halao iha loron 19 fulan Maiu, uza teste eletronika iha Komisaun Funsaun Publika.
“Ami hatoo ami nia respeitu no ami nia hakuak boot ba maluk media sira neebe prezente iha fatin ne’e. Ami agradese ba ita boot sira nia prezensa. Ami na’in hira iha meja nee nuudar Juri ba programa rekrutamentu bolsa kandidatu ESG-ESTV 2025 nian. Ami konvoka Komunikadu Emprensa ne’e ho intensaun atu publika rezultadu verifikasaun no data hahu teste aplikasaun Bolsa Kandidatu Ensinu Sekundariu Jeral no Tekniku Vokasional 2025 nian. Primeiru, ami lori ita hatene uluk objetivu jeral husi Programa Bolsa Kandidatu. Programa ida nee mos premite sistema edukativu ida neebe iha kapasidade responde lais no efetivu ba falta manorin ka asegura kontinuidade prosesu ensinu no aprendizajen. Tema Jeral ba Programa nee mak, “CONSTRUINDO JUNTOS A NOSSA NAÇÃO COM EDUCAÇÃO DE QUALIDADE E INCLUSIVA,” dehan João ba jornalista liu husi konferensia imprensa iha sala konferensia Ministeriu Edukasaun, Sesta nee (16/05/2025).
(jac)
