DILI, STLTIMORLESTE.com – Aplikantes bolsa kandidatu profesores ba nível Ensinu Sekundariu no Tekniku Vokasional hamutuk 974 la pasa iha selesaun dokumentus.
Diretor Nasional Rekursu Umanu husi Ministeriu Edukasaun, João Amaral dehan, total aplikantes la aprovadu ka la liu selesaun dokumentus hamutuk 974, feto 494 no mane 480, kompostu husi aplikantes rekrutamentu publiku neebe la aprovadu ka la pasa selesaun dokumentus hamutuk 936, feto 484 no mane 451, aplikantes kontratu 2023 neebe la aprovadu ka la pasa selesaun dokumentus 38, feto 9 no mane 29, la admitidu ka la pasa kriteria selesaun dokumentus, la pasa tanba idade ultrapasa 53 hamutuk 18, la prienxe kriteria minimu abilitasaun akademika area estudu inelejivel la submete dokumentus neebe rekeridu hamutuk 669, la pasa tanba diploma la hetan legalizasaun husi MESSK hamutuk 287.
“Total aplikantes bolsa kandisatu Ensinu Sekundariu 2025, total aplikasaun ensinu sekundariu hamutuk 11.652, feto 6.240 no mane 5.412, kompostu husi aplikantes rekrutamentu publiku hamutuk 10.889, feto 5.864 no mane 5025, aplikasaun rekrutamentu kontratadus manorin 2023 hamutuk 763, feto 376 no mane 387. Total ita nian aplikantes aprovadu ka liu selesaun dokumentus hamutuk 10.679, feto 5.748 no mane 4.931, kompostu husi aplikantes rekrutamentu publiku neebe aprovadu ka pasa selesaun dokumentus hamutuk 9.953, feto 5.379 no mane 4.574, aplikantes kontratadus 2023 neebe aprovadu ka pasa selesaun dokumentus hamutuk 731, feto 371 no mane 360,” dehan Diretor Nasional Rekursu Umanu husi Ministeriu Edukasaun, João Amaral ba jornalista STL iha edifidiu ME, Segunda nee (12/05/2025).
Nia dehan, total aplikantes aprovadu neebe sei partisipa iha teste eletronika husi dia 19 Maiu 2025 too 16 Junhu 2025 pur grupu rekrutamentu, portugues e temas de literatura e cultura-BK/11/ME iha partisipantes teste hamutuk 1104, feto 727 no mane 377, tetum KB/12/ME/2025 iha partisipantes hamutuk 223, feto 142 no mane 81, ingles BK/13/ME/2025 iha partisipantes hamutuk 959, feto 565 no mane 394, Melayu BK/14/ME/2025 iha partisipantes hamutuk 32, feto 17 no mane 15, historis geografia e sidadania e dezenvolvimentu sosial BK/15/ME/2025 iha partisipantes hamutuk 1265, feto 487 no mane 778, ekonomia e metodus kuantitativus, sosial e empedorismu BK/16/ME/2025 iha partisipantes hamutuk 2347, feto 1381 no mane 966, matematika BK/17/ME/2025 iha partisipantes hamutuk 729, feto 261 no mane 468, fisika e Quimika BK/18/ME/2025 participantes hamutuk 997, feto 479 no mane 518, biolojia e geolojia BK/19/ME/2025 partisipantes hamutuk 1962, feto 1187 no mane 775, teknolojia e multimedia e informatika BK/20/ME/2025 partisipantes hamutuk 875, feto 383 no mane 492, edukasaun fisika e desportu BK/21/ME/2025 partisipantes hamutuk 3, feto 1 no mane 2, relijiaun moral KB/22/ME/2025 partisipantes hamutuk 183, feto 118 no mane 65.
Nunee mos Paulo de Jesus Magno hanesan aplikantes manorin kontratu 2023 dehan, aat liu test ida nee vaga ba bolsu kandidatu, kuandu liu sai fali kandidatu profesor, afinal tinan barak ona sai ona profesor.
“Ami bele tuir teste, bele mos la tuir teste, tanba foin hatama deit dukumentu balun esklui no balu kategoria la liu, test ida nee laos valoriza ami ou solusaun ba ami nia problema, test ida nee ME nia planu, ami labele halo tan protestu ou asaun. Pessoal Hau bele tuir teste, maibe ami presiza tur hamutuk,” dehan nia.
(jac)
