DILI, STLTIMORLESTE.com – Visi Primeiru Ministru Francisco Kalbuadi Lay hatoo agradese ba Prezidente Republika (PR) Jose Ramos Horta, tanba apoiu ona atividade expo iha Osaka.
Haktuir Visi Primeiru Ministru Francisco Kalbuadi Lay ba jornalista iha Palasiu Prezidensial Nicolao Lobato, Bairo Pite, Tersa (09/09/2025).
Nia hatete, ohin mai hasoru malu ho Prezidente Republika Jose Ramos Horta hodi hatoo agradese, tanba durante nee apoiu ona ekipa nia atividade expo iha Osaka neebe lao diak tebes.
“Ondra boot ba hau mai hasoru Prezidente Republika, Ramos Horta iha assuntu rua mak hau hatoo premeiru mai agradese ba Prezidente neebe apoiu ekipa iha Osaka, foin dadaun vizita Osaka ho atividade expo mundial neebe lao diak tebes,” dehan Kalbuadi.
Iha biban nee visi Primeiru Ministru hatete, durante Prezidente Republika nia vizita iha Osaka akompanha atividade expo, Prezidente mos hetan kobertura barak, alende PR Horta mos vizita fatin barak iha Expo neebe realiza iha Osaka.
Iha biban nee Visi PM hatete, no asuntu ida seluk mak mai kordena ho Xefe estadu ho ekipa Prezidensial Republika konaba preparasaun ba vizita Primeiru Ministru Malazia nia mai Timor Leste.
Prezidente Republika Jose Ramos Horta hatoo kongratula ba Governu liu liu Visi Primeiru Ministru Francisco Kalbuadi lay neebe organiza atividade Expo iha Osaka neebe lao diak no kapaas tebes.
Prezidente Republika hatet, durante akompanha expo iha Osaka vizita expo barak, no observa atividade hotu lao diak no kapaas tebes.
Jornalista: Emerenciana Pinto
Editora: Domingas Gomes
