DILI, STLTIMORLESTE.com – Produtor lokal ba bee lokal iha rai laran preokupa Aqua fatin ba bee neebe faan karun, maski governu hatun reseita husi 2,5%.
Deputada husi Bankada CNRT, Angela Maria Corvelo husu klarifikasaun kona-ba artigu terseiru alina 4, koalia kona-ba impostu aqua nian. Hatene katak nee importante tebes ba saude no nesesidade hotu.
Tanba Governu agora daudaun tau impostu ba aqua US$ 3 kada litru, intende katak governu tau ba importasaun bee husi rai liur hodi promove produsaun rai laran, maibe iha fatin seluk, bazeia ba Dekretu Lei numeru 37/2020 kona-ba alinasaun sakus alojamentu, nunee mos plastiku.
“Ho nunee iha preokupasaun husi produtor lokal sira katak ita la konsege redus presu bee rai laran, tanba pakote husi Aqua bee fatin nafatin karun, no taxa hasae bá importasaun bee US$ 3 kada litru nee oinsa bá konsumu lokal. Liga ba serveza ho konteudu alkooliku 4, 5%, neebé ho presu US$ 2,70, nee ita haree ba folin alkooliku folin baratu liu aqua”, kestiona Deputada Maria Angela Corvelho, iha debate proposta Orsamentu Jeral Estadu (OJE) 2025 iha Parlamentu Nasional, Kuarta (20/11/2024).
Deputada nee hatutan, liga ba kestaun nee sera ke Governu iha hanoin ruma ka iha estratejika ruma kona-ba kestaun nee, tanba nee husu esplikasaun.
Laos nee deit, maibe kona-ba vinho neebé governu muda taxa ba US$ 4,50, nee ba vinho hotu-hotu, maibe Vinho nee ho pursentu la henesan maibe governu aplika taxa hanesan.
Tanba nee husu governu karik bele halo regulamentu ida, atu Sigaru nee labele faan rahun maibe faan tomak ka pakote.
Hatan ba kestaun nee, Ministra Finansas (MF), Santina Viegas Cardoso hatete, iha tinan 2023, loos duni katak iha lei Orsamentu Jeral Estadu, halo alterasaun bá reseitas liu-liu aplikasaun sira neebe iha bá direta no adoneira.
“Ita haree iha 2023, bainhira IX Governu tama, halo alterasaun kedas bá taxa importasaun husi 5% tun ba 2,5%. Depois de née, bá produtu balu ita hatun ba 2,5%, ida tuir lejislador intensaun iha tempu neeba atu hasae reseitas, no halo protesaun ba saude publiku iha 2013 foin hasae fulan 6, nunee fulan 6 tuir mai iha merkadu, kompanhia importador sira hetan sofrementu oituan, tanba sira sosa produtu barak liu, iha tempu taxa seidauk redus, ikus mak taxa redus saii sofrementu ba kompanhia importador, ida née situasaun difisil neebé governu hasoru iha tempu neeba”, hatete MF, Santina.
Nia esplika, tanba sa mak MF mai ho hanoin atu mantein saida mak no halo alterasaun bá buat sira neebe iha OJE 2023, 2024 too 2025.Intensaun atu proteje produtu rai laran loos duni Aqua neebe mai husi liur aplika 2,5% nee mak US$ 3, maibe produs iha rai laran la aplika taxa 2,5%.
Liga ba plastiku neebe paking bá aqua nian, bainhira sira exporta ba liur sei aplika hanesan mos produtu neebe importa.
(gui)
