DILI, STLTIMORLESTE.com – Arkedioseze Dili Selebra misa Krismal ba Amululik sira halo renovasaun no promesa atu sira fiel nafatin ba Maromak nia vokasaun nuudar Amululik.
Arsebispu Metropolitana Dili, Dom Virgilio Kardeal do Carmo da Silva, SDB hatete, ohin misa Krismal ba Amululik sira, molok atu tama ba loron Kinta feira Santa, tanba razaun pastoral labele selebra iha Kinta, tanba Amululik barak husi dook, se misa iha Kinta Feira Santa, dader sira labele too fali iha sira nia Parokia atu selebra misa Kinta Feira Santa hamutuk ho sarani sira. Tanba sai ona tradisaun ida iha Dioseze Dili nian, tinan barak ona misa sempre halo iha loron Kinta Feira antes selebra Kinta Feira Santa.
“Iha loron Kinta ohin misa nee Bispu hamutuk ho Amululik sira fo bensa konsagra oleo Krisma nian nomos bensa oleo ba ema moras no katekumun nian, iha misa nee sai mos momentu ida Amululik sira hafoin fila fali sira nia promesa Amululik ninian neebe sira idak-idak halo iha loron ordenasaun, iha loron ida nee mak Amululik sira halibur hamutuk ho Bispu renova sira nia kompromisu ida nee atu fiel nafatin ba sira nia vokasaun nuudar amululik,” hatete Dom Virgilio Kardeal do Carmo da Silva, SDB iha Katedral, Dili, Kinta nee (10/04/2025).
Dom Virgilio hatete, agradese ba Maromak ba vokasaun furak neebe Amululik sira simu, biban ida mos atu renova promesa neebe ita halo iha loron ordenasaun iha inisiu kuarezma nia ho liafuan fila mai Hau hanesan Ita haklaken ba sarani sira, mai ita tama klean liu tan iha ita Nia sacerdosiu nian. Tan nee misa ohin Amululik sira hamutuk konsagradu konsagradas katekista, seminarista, hamutuk ho leigus no sarani sira mai partisipa iha misa Krismal nee.
(joa)
