DILI, STLTIMORLESTE.com – Ministeriu Edukasaun (ME) husu ba direjente no profesores husi eskola idak-idak tenke asegura livrus neebe rai iha biblioteka.
“Hau hanoin kona-ba livrus sira neebe mak husi ministeriu fahe ona ba ita nian eskola sira, nee ita nian direjente husi eskola ida-idak mak sei asegura livrus sira nee rai halo didiak iha biblioteka, para ita nian estudantes sira nee bele asesu ba iha biblioteka nee ho diak liu, nee duni eskola sira presiza duni atu asegura livrus sira nee,” dehan Direitor Nasional Ensinu Sekundariu iha ME, Benjamin Gomes da Cruz Fernandes ba STL, Kuarta nee (25/02/2026).
Nia dehan, ho livrus neebe iha eskola sira presiza asegura nafatin livrus sira nee, atu nunee estudantes sira bele asesu livrus sira nee, depois rai halo didiak iha biblioteka, nunee estudantes sira bele asesu ba livrus sira nee.
Entretantu Diretor Eskola Sekundáriu Jeral FINANTIL, Aniceto Berlelo hatete, sira nian estudantes sira sempre asesu ba livrus neebe sira rai iha biblioteka no husi parte eskola nian nafatin asegura livrus sira nee ho diak.
“Ami nian estudantes sira sempre asesu ba livrus neebe sira rai iha biblioteka no husi parte eskola nian nafatin asegura livrus sira nee ho diak, atu nunee ita bele fasilita ita nian estudantes sira nee bele asesu diak ba livrus,” nia informa.
Nunee mos Diretor Eskola Sekundariu Jeral nu. 4 Setembru Balide, Sergio A. da Cruz hatete, nuudar direjente eskola ho profesores sira husi eskola nee, asegura nafatin livrus neebe rai iha biblioteka.
“Nuudar direjente eskola ho profesores sira husi eskola nee, ami nafatin asegura ita nian livrus neebe rai iha biblioteka,” nia haktuir.
(jac)
