DILI, STLTIMORLESTE.com – Visi Primeiru Ministru, Mariano Assanami hatete, Planu Dezenvolvimentu Nasional (PDN) iha komponente tolu prinsipal ba ekonomia produtivu.
“Planu Dezenvolvimentu Nasional ita iha komponente 3, nuudar komponente prinsipal ba ekonomia produtivu nia no seluk tan,” dehan Visi PM, Assanami ba jornalista sira iha Palasiu Prezidensial, Nicolau Lobato, Bairo Pite, Dili, Kinta (14/11/2024).
Nia dehan, planu estratejia dezenvolvimentu nasional iha komponente tolu nuudar komponente prinsipal ba ekonomia produtivu nian. Ida seluk agrikultura peskas no pekuaria, floresta, ema hotu hatene katak, agrikultura durante nee movimentu lao hela no floresta lao hela.
“Peska foin daudaun mak ita deklara kona-ba ekonomia azul, neebe ita hanoin atu dezenvolve ona area peska nee masimu, tanba area nee luan liu rai maran, neebe ita halo. Komponte ida seluk mak turizmu, ita ho turizmu ho valores oin-oin, iha turizmu relijiozu, tanba ita nasaun katolika maioria, maibe ita iha mos realizaun sira seluk, neebe iha nee iha nia valores no iha nia indentidade no ain fatin neebe mak importante, ita nia mai husi Oekusi, ita iha Nossa Senhora Ai-tarak no ita iha fatin lubuk ida neebe presiza ita atu promove,” katak nia.
Governante nee hatutan, iha turizmu ekologi neebe ema hatene area lubuk ida neebe protejida, iha tasi no foho neebe importante tebes-tebes atu romove.
Nunee mos Prezidente Republika, Jose Ramos Horta mos iha vizaun atu promove ida nee, tulun governu para atu diak liu tan, maibe labele haluhan, papel Prezidente nian rasik para atu promove fratenidade umanu neebe ratifika ona, atu promove paz no estabilidae.
Prezidente rasik mos tenke garante funsionamentu instuisaun demokratiku sira bele halo nia servisu diak, maibe liu-liu pas no estabilidade, no liu-liu ba oinsa forma karakter muda joven sira, atu bele iha sibilizadu neebe diak no valores direitu umanus no valores liberdade neebe luta nee tenke sai fali kultura respeita malu, kuidadu malu, bainhira estraga pas no estabilidade no estraga ema seluk nia liberdade.
(eme)
