DILI, STLTIMORLESTE.com – Mianmar la aseita Timor Leste (TL) adere ba ASEAN, maibe TL iha prinsípiu no valor, tanba Estadu nia funsaun atu proteje nia povu.
Ida nee ita husik hela desizaun nee iha membru ASEAN nian, ita hatene katak Mianmar foin daudaun iha problema barak hasoru nia povu, ASEAN nee laos deit entre Governu, maibe iha ASEAN nee povu ho povu ita iha reziaun ida, ita adere malu para sai komunidade ASEAN. Mais Timor Leste ita iha prinsipiu no valor, tanba nee sei la redus saida deit, para atu redus halakon tiha fali prinsípiu neebe TL iha, Estadu nian funsaun atu proteje nia povu, atu halo servisu neebe diak ba povu, tanba Estadu modernu nee ninia baze nee povu mak iha,” dehan Primeiru Ministru Interinu, Mariano Assanami Sabino ba jornalista sira iha ESJ FINANTIL, Kinta nee (03/07/2025).
PM Interinu nee hatutan, laos problema Timor nian, prolema mak oinsa membru ASEAN sira deside tuir saida mak dinamika ohin loron nian, ohin loron nee dirritu umanu nee global, paz ho establidade nee, tanba nee kondena funu sira neebe estraga, nee duni valor lubuk ida nee, valor global aseitasaun nasaun hotu-hotu para atu kumpri.
“Tanba nee TL sei la hakiduk ba defende direitu umanu no defende direitu povu nian, nee valor prinsípiu, ema ida la fo gratuita uda nee, ita fakar raan, ita mate mak hetan ida nee, tanba nee ita nian partisipasaun iha komunidade ou organizasaun iha neebe deit ita nafatin ba ho TL, TL iha nia povu no valor prinsípiu ho ninia karakter,” nia haktuir.
Nia akresenta, TL halo buat hotu neebe tenke tuir rekezitus neebe mak iha ona, maibe lider sira labele taka matan, tanba lideransa ohin nee global, tanba nee mak interpretasaun nee tenke lao duni, maibe importante mak TL halo tuir rekezitus hotu neebe presiza atu halo, fulan Outubru mak desizaun membru.
(jac)
