DILI, STLTIMORLESTE.com – Assembleia Republika Português ho Parlamentu Nasional (PN) Timor Leste (TL) kontinua servisu hamutuk, atu haree liu-liu iha area edukasaun no aprende língua Português.
Primeiru Ministru (PM) Kay Rala Xanana Gusmão vizita no enkontru kortezia ho Prezidente Assembleia Repúblika Portugés, José Pedro Aguiar-Branco.
Vizita nee Xefi Governu simu direta husi Visi Pezidente Assembleia, Rodrigo Saraiva akompanha ho honra militár Portugués.
“Durante enkontru, Xefi Governu ho Prezidente Assembleia Portugés reafirma kooperasaun bilaterál entre Estadu TL ho Estadu Portugés liu-liu haree bá kooperasaun sira entre Assembleia Repúblika Portugés no Parlamentu Nasionál Timor-Leste, no mós importansia kooperasaun ba edukasaun no aprendizajem lian portugués”, haktuir komunikadu neebe STL asesu, Kinta (17/10/2024).
Delegasaun TL neebé akompanha Xefi Governu maka Visi Primeiru Ministru no Ministru Koordenadór Asuntu Ekonómiku no Ministru Turizmu no Ambiente, Francisco Kalbuadi Lay, Ministru Negósiu Estranjeiru no Kooperasaun, Bendito dos Santos Freitas, Ministru Justisa, Sérgio de Jesus Fernandes da Costa Hornai, Ministra Edukasaun, Dulce de Jesus Soares, Ministru Ensinu Superiór Siénsia no Kultura, José Honório da Costa Pereira Jerónimo, Ministru Interiór, Francisco da Costa Guterres, Sekretáriu Estadu Komunikasaun Sosiál, Expedito Dias Ximenes, Embaixadora Timor Leste iha Portugal, Isabel Guterres, no Xefe Gabinete PM, Elizabeth Exposto.
(gui)
