LAUTEM, STLTIMORLESTE.com – Daudaun nee atendimentu ba pasiente iha Sentru Saude Internamentu Lospalos lao diak.
“Ita nia atendimentu iha Sentru Saude Internamentu lao diak hanesan baibain, ami lao hahu husi Segunda too Sesta,” hatete Xefe Sentru Saude Lospalos, Lolalina da Conceição Freitas ba STL iha Sentru Saude Lospalos, Domingu (05/1/2024).
Nia dehan, iha sala OPD ho emerjensia sempre atende 24 oras, maibe iha sala sira seluk nee too Segunda no Sesta deit, no sira mos iha loron Sesta sempre halao atividade limpeza jeral.
“Ami Sesta feira mos halo atendimentu no agora planu ba oin loron Sesta ita sei halo limpeza jeral, ami labele halo hanesan Instutisaun sira seluk, tanba ami iha nee atede ema moras,” nia esplika.
Iha fatin ketak, Pasiente Julia Rodriques deklara, atendimentu iha Sentru Saude Internamentu Lospalos lao diak tebes, maibe tenke aumenta rekursu umanu, tanba iha nee Mediku Espesialista laiha.
“Sentru Saude ida nee atendimentu diak, maibe falta rekursu umanu, no fasilidade ladun kompletu, liu-liu kama ba pasiente nomos Mediku Espesialista iha nee laiha,” nia afirma.
(jen)
