DILI, STLTIMORLESTE.com – Daudaun nee atendimentu saude ba pasiente sira iha Sentru Saude Komoro lao diak hanesan loron baibain.
“Atendimentu saude iha ita nia Sentru Saude Komoro lao diak hanesan baibain,” dehan Xefe SSC, Emilia Ayati de Sousa ba jornalista STL iha nia knaar fatin Komoro, Kuarta (27/08/2025).
Nia dehan, pesoal saude sira iha Sentru Saude Komoro fo atendimentu ho profisional iha sala emerjensia, sala konsulta no sala rejistu nomos sala farmasia.
“Iha sala hotu-hotu mesak pesoal saude sira deit mak fo atendimentu ba ita nia pasiente sira neebe mai halo konsulta nomos ba inan sira neebe partus,” nia esplika.
Iha fatin ketak, inan isin rua Julia do Carmo informa, konaba atendementu iha SSC uluk kedas diak too agora, tanba nee inan isin rua hotu-hotu hakarak mai partus iha nee.
(jen)
