DILI, STLTIMORLESTE.com – Oras nee daudaun atendimentu iha Sentru Saude Komoro lao normal hanesan loron baibain.
“Ami nia atendimentu ba pasiente sira iha Sentru Saúde Komoro lao normal hanesan baibain, laiha problema,” hatete Xefe Sentru Saúde Komoro, Emilia A. de Sousa ba STL iha nia knaar fatin Komoro, Tersa nee (26/11/2024).
Nia dehan, atendimentu primeiru haruka pasiente ba konsulta uluk, no haree sira nia tensaun, depois rejistu naran, bolu naran mak foin hasoru doutor sira hodi konsulta sira nia moras.
“Ita nia pasiente mai konsulta iha Sentru Saude Komoro loron ida 100 resin, sira mai ho moras ISPA, diarea, no dala ruma pasiente balun tensaun aas, diabetes no moras sira seluk,” nia esplika.
Iha fatin hanesan, inan isin rua, Juanita de Jesus informa, pasiente barak mak mai konsulta iha Sentru Saude Komoro, tanba ninia atendimentu diak tebes.
(jen)
