DILI, STLTIMORLESTE.com – Sosiedade balu preokupa kona-ba atendimentu Rejistu Kriminal no Bilhete Indentidade, maibe oras nee daudaun atendimentu lao normal.
Tuir Diretor Servisu Rejistu Notariadu, Agustinho Gonsalves Viera katak, oras nee daudaun atendimentu sira lao ho sistema online, maibe la taka dalan ba sira neebe tarata urjente no sira neebe labele online, bele hasoru Xefe no funsionariu sira atu fasilita sira tarata.
“Atendimentu Sertidaun RDTL no Rejistu kriminal sira mos online hotu, maibe la signifika sira neebe la online labele atende, maibe sira la online bele hasoru Funsionariu no Xefe sira atu sira bele tarata,” dehan Agustinho ba jornalista sira iha Mandarin, Tersa (19/11/2024).
Nia hatutan, online nee hanesan meius ida atu evita ema forma barak, tamba nee mak kria sistema atu ema labele forma barak atu bele tarata tuir oras.
Kona-ba makina ka bargo ba iha BI, agora sei iha tender hela no UNDIP mak sei halo ida nee.
Iha fatin ketak, komunidade Suku Komoro, Tomas Dos Santos dehan, atendimentu kona-ba Rejistu Kriminal dala ruma kleur oituan, tanba sira hatama tiha dokumentu sira atu trata sei hein too semana ida mak foti.
(ter)
