BAUKAU, STLTIMORLESTE.com – Negosiante sira iha merkadu Vila Antiga, Munisipiu Baukau, kontinua halao sira nia atividade negosiu hanesan baibain.
Iha konfirmasaun, negosiante produtu lokal, Maria Soares konta, iha loron 04 Dezembru nee Autoridade Munisipiu liu husi ekipa konjunta sobu ona negosiante sira hamutuk 54 nia baraka iha merkadu Vila Antiga no muda ba merkadu foun Tuanau, neebe Autoridade Munisipal rasik prepara karreta hodi tula hela sira nia sasan faan nian ba merkadu foun refere.
“Ami koopera ho Estadu, maibe fatin ba ami laiha entaun modo tahan nee ami lori ba leten ema la sosa, ami mai fali tuur iha nee, se ami la faan ami sente triste,” hatete negosiante nee ba STL, iha Vila Antiga, Segunda (09/12/2024)
Reprezentante negosiante Vila Antiga nee hateten, negosiante sira iha merkadu refere prontu koopera ho Autoridade Munisipiu kona-ba muda negosiante sira, maibe laiha fatin ba sira iha merkadu foun, nunee desidi fila hikas ba fatin negosiu merkadu tuan Vila Antiga hodi kontinua negosiu hanesan baibain.
Mezmu ekipa konjunta sobu ona baraka, maibe sira kontinua halo negosiu iha area refere, laos la koopera ho Autoridade Munisipal, maibe tanba nesesidade ekonomia.
Iha fatin seluk, Diretor Jestaun Merkadu Munisipiu Baukau, Geronimo da Conceição rekonhese, mezmu ekipa konjunta muda ona negosiante sira husi merkadu tuan ba merkadu foun, maibe negosiante balun iha merkadu Vila Antiga, Vila Nova neebe nia baraka sobu ona kontinua faan iha fatin tuan, tanba ekipa sei preokupa ho okupante espasu publiku seluk neebe seidauk muda hotu.
Maibe bainhira ekipa remata ona sobu okupante espasu publiku sira iha sidade Baukau, sei halo hikas operasaun husi Vila Antiga too Vila Nova hodi kontrolu iha dalan publiku sira no sei la tolera sidadaun neebe kontinua halo negosiu besik estrada publiku, tanba fatin negosiu nian Autoridade Munisipal desidi ona mak iha merkadu foun Tuanau.
Depois ekipa guarda Munisipal ema bolu wali kota nee sei halo movel, vendedores neebe sei faan iha dalan-dalan primeiru, segundu terseiru mak labele ami tula sasan sira nee ba orfonatu sira, tanba servisu iha lei.
Bainhira ekipa remata ona muda negosiante sira, Autoridade Munisipal liu husi Jestaun Merkadu sei inisial planu no orienta guarda merkadu sei kontrolu masimu iha Vila Nova no Vila Antiga atu evita sidadaun sira faan besik iha estrada publiku.
Entretantu negosiante neeebe Autoridade Munisipiu Baukau rejistu atu muda ba merkadu foun Tuanau hamutuk 879.
(EST 2)
One Response
Atu halo mudansa ba Mercadoria refere Estadu mos tenki hanoin Katak fatin refere nee maizumenus Iha possiblidade ba vendedores sira atu hola Sasan ga lae ne primero
Segundo Asaun nebe agora dadauk akontese fatin refere asaun nee hanesan Political husi Middle East nebe hodi aplica Iha Timor-Leste nee diak maibe perguntas mak nee Estadu fo Ona moris Diak ba povo ga sedauk?
Kompara ho Middle East Tuba sim Iha Middle East Estadu fo moris dk ba Nia povu no sira Nia merkadu hotu sempre distance husi comunidade Nia dk oinsa atu Hamoris ekonomia basic Rai laran Ida nee mk pensamentu husi politics Middle East Nia
Fila fail Ba Timor se Ida nee mk Estadu Timor Leste aplika fale Iha Timor-Leste 🇹🇱 nee hau hanoin Triste Tamba Estadu sedauk fo moris dk ba povo nee argumento nebe diffisil atu muda
Razaun
Primero povo sei uza transporte publico Mais transporte publico deit mos sei menus kompara ho Middle East povu hotu hotu uza transporte privadu
Segundo
Estadu Timor-Leste uza forsa hodi fo moris terus ba povu sai moris Ida nebe difficil liu tan Iha era independencia Ida nee Laos halo desenvolvimento maibe nee haterus povo uza povu Nia lian uza povo Nia kosar Ben hodi ukun habosu an ho Nia familia sira
Se Estadu Timor-Leste mak Iha pensamentu obrigatorio ba povu iha Sistema Democratic Nia laran nee problema bot Diak liu Hamrik hnesan povu nebe lian Ida Kontra sistema obrigatorio Ida nee hodi hamosu Guerra civil tmba Estadu Timor-Leste la konprende Kona ba ukun Democracia
Abraços Povu Timor-Leste 🇹🇱