DILI, STLTIMORLESTE.com – Visi Ministru Asuntu Parlamentares, Aderito Hugo hatete, atu halo auditoria ba roo Haksolok presiza tempu, tanba assuntu nee assuntu Estadu nian, laos hanesan kompetetisaun halai taru.
Kestaun nee Aderito hatoo, relasiona ho deklarasaun husi Sekretariu Jeral Partidu FRETILIN, Mari Alkatiri neebe hatete, koalia auditoria ba roo Haksolok hanesan ameasa deit, maibe implementasaun laiha.
Aderito dehan, auditoria nee laos iha merkadu ema ba sosa deit, maibe auditoria neebe kredivel presiza identifika kazu hotu, ka assuntu hotu neebe husu nee mak auditoria. Atu dehan deit katak, auditoria nee sei lori tempu, sei rekolha informasaun husi linhas Ministériais sira no rekolha faktus hotu, para depois ita transforma ba listajen auditoria, neebe listajen auditoria hetan hotu ona, tranforma ba tender internasional.
“Auditoria nee laos kompetisaun bé ita atu halai taru, maibe nee kestaun tratamentu ba assuntu estadu, ita presiza lori tempu, presiza rekolha dadus no faktus sira hotu, neebe auditoria laos dehan mai nee hakarak deit lae, maibe sei haree lai ba konkordansia ho kustu sira katak hau konkore ba ida nee ho kustu hanesan nee, tanba nee la fasil”, katak Visi Ministru Asuntu Parlamentar Adérito Hugo.
Nia informa, karik fasil nee ba deit kamara de kontas, no auditoria sira rejista baibain iha Timor bele halo auditoria ona, maibe ida nee kompleksidade estadu nian tomak, tenke firmente internasional parra nia rezultadu kredivel
Governantes nee esplika, faktu sira hetan hotu ona, no tender ona ba Kompanhia internasional sira neebe konkorda ho ita nia listajen auditoria, para atu aprezenta listajen auditoria, ita tenke haree faktus sira, faktus ai elabora hotu ona, lori entrega ba auditoria, katak kobertura ba auditoria iha ida nee, ida neeba, no ministeriu ida nee ministeriu ida neeba, lista naruk, neebe lafasil.
Enkuantu relasiona ho asuntu nee, Jornalista koko atu konfirma ho Primeiru Ministru, Kay Rala Xanana Gusmão, iha konferensia imprensa hafoin iha Aeroportu Internasional Nicolau Lobato, maibe laiha sesaun husu no hatan.
(gui)
