DILI, STLTIMORLESTE.com – Eskola Ensinu Baziku iha Munisipiu Likisa ba oin presiza aumenta inspetores eskolares ida ou rua.
Kestaun nee hatoo husi Diretor Servisu Edukasaun Munisipiu Likisa, Julio da Silva ba STL liu husi telefone, Segunda nee (28/07/2025).
“Agora daudaun ami nian inspetores ba pre-eskolar nain 3, ensinu baziku nain 5, ensinu sekundariu jeral nain 1 deit, tanba nee ami nian inspetores agora daudaun nain 9, nee duni nain 9 nee seidauk sufisiente, tanba ensinu baziku no sentral rua inspetor nain ida mak halo kontrola, nee duni ita sentral hitu, eskola privadu, katolik sira, sekundariu jeral no tekvo nee ita presiza tan ema para bele halo kontrolu,” nia haktuir.
Julio hatutan, dala ruma eskola sentral tolu nee inspetor nain ida mak halo kontrolu, tanba nee presiza tan nain rua ka tolu atu nunee bele Kobre eskola sira nee, liu-liu ba ensinu baziku sira nee, maske daudaun nee iha ona inspetores, maibe ba oin nee presiza atu aumenta tan inspetores.
(jac)
