DILI, STLTIMORLESTE.com – Governu Australia liu husi Forsa Armada Australia ofisialmente entrega edifisiu Peirol Armamentu ba Forsa Komponente Naval atu utliza, hodi tau fasilidade militar nian.
Nia dehan, Peirol Armamentu Militar nee objetivu halo nuudar armazen, neebe atu forsa armada Timor-Leste, liu-liu Komponente Naval atu prezerva fasilidade militar hanesan kilat no munisoens inklui fasilidade armamentu sira seluk.
“Hau hakarak dehan, Peirol nee konstrui husi empreza RMS Australia iha Timor Leste, hahu inisia ninia konstrusaun iha loron 15 Abril 2024 no termina iha loron 10 Janeiru 2025, no osan ba projetu konstrusaun Peirol armajenamentu nee ho osan valor milhaun US$ 2, neebe finansia husi Forsa Armada Australia,” haktuir Adidu Defeza Forsa Australia ba Timor Leste, Kapitaun Mare Gerra Matthew Richardson liu husi nia diskursu iha Komponente Naval Hera, Domingu (12/1/2025).
Nia esplika, Peirol Armamentu Militar nee kompleta ho fasilidade adekuadadu neebe bele kontrola fasilidade militar neebe preserva iha laran.
Nia infirma, Governu Australia entrega edifisiu Peirol armamentu ho kualidade, edifisiu ida nee nuudar fatin atu prezerva sasan fasilidade militar nian, ida nee atu apoia servisu Komponente Naval.
Nia fo agradesimentu ba ofisial no Superior Komponente Naval neebe koopera tebes ho Australia , hodi fo apoiu ba konstrusaun Peirol Armamentu Militar, hahu husi nia dezenhu sira too obra nee ninia finalidade bele entrega ba Komponente Naval hodi bele hahu utiliza ona.
Iha fatin hanesan, Ministru Defeza, Kontra Almirante Donaciano Costa Gomes “Pedro Klamar Fuik” espika, ohin nee ita atu presta tan ita nia testimonial ida, saida mak ita nia belun husi Australia dezde tranformasaun Forsa sira iha intensaun diak tebes atu tulun ita,” dehan nia.
Governante dehan, Peirol armamentu nee importante atu militar sira bele prezerva sira nia fasilidade militar hanesan kilat, minisoens no kapasete da gerra bainhira halo misaun ida.
(jen)
