DILI, STLTIMORLESTE.com – Australia ho Timor Leste (TL) presiza hamutuk oinsa bele haree ba mudansa Klimatika iha Timor Leste.
Kestaun nee hatoo husi Australia’s Ambassador For Climate Change, Department of Foreign Affairs and Trade, Kristin Tiley, ba jornalista sira bainhira remata hasoru malu ho Prezidente Republika Jose Ramos Horta iha Palasiu Prezidensial Nikolao Lobato, Bairo Pite, Tersa (13/05/2025).
Australia’s Ambassador For Climate Change dehan, ohin hasoru malu ho Prezidente Republika Jose Ramos Horta koalia asuntu Mudansa Klimatika.
“Intensivu liu ohin hasoru lider sira global nia espesifiku bele hasoru Prezidente koalia sobre Mudansa Klimatika,” dehan Kristin.
Nia hatete, iha hasoru malu nee diskute hamutuk oinsa bele servisu hamutuk bele haree ba asuntu Mudansa Klimatika.
“Mensajen prinsipal neebe ohin hatoo ba Prezidente bele haree katak Timor Leste mos nasaun neebe importante atu bele servisu hamutuk ho Australia atu bele haree ba Mudansa Klimatika atu haforsa ema Timor nia rezidensial iha area Mudansa Klimatika,” katak nia.
Nia haree oinsa mak bele servisu hamutuk haree kona-ba finansamentu iha rejiaun atu bele haree ba atividade mudansa klimatika iha rai laran.
“Ajenda Segunda mak hatoo ba Prezidente katak tinan oin House Mudansa Klimatika iha Australia hodi diskute kona-ba dezafiu no vantajen saida mak bele servisu hamutuk,” katak nia.
Nia hatutan, sira kontente tebes tanba haree Prezidente Republika Jose Ramos Horta mos fo suporta makaas ba Mudansa Klimatika.
(eme)
