DILI, STLTIMORLESTE.com – Autoridade Rejiaun Administrativa Espesial Oekusi Ambeno (RAEOA) sei asina kontra ho doutor Agus Terawan husi Indonezia, hodi jere klinika Korasaun iha RAEOA.
“Klinika korasaun nee asuntu ida importante tebes, tanba Estadu Timor nian, liu husi RAEOA halo investimentu ida ke boot iha neeba, maibe too agora laiha uzo ba fatin ida-nee. senor, profesor doutor ida ke famozu tebes iha Indonezia nia haruka nia delegasaun ida mai too iha Oekusi para sira atu asina kontratu ida ho RAEOA para sira bele uzo fatin ida nee,” hatete Prezidente Autoridade RAEOA, Rogerio Lobato wainhira halao Audiensia ho Parlamentu Nasional, Kuarta (23/10/2024).
Kuandu asina ona kontratu Rogerio dehan, moras sira bele kontrola iha Timor-Leste liuliu iha RAEOA, nunee pasiente sira labele dezloka ona ba Singapura, Malazia no Indonezia.
“Moras barak liu ita simu no hetan iha Timor mak hanesan rins, fuan, moras ida neebe doutor Terawan ho nia teknika bele ajuda atu kura. Entaun buat nee depende deit oinsa mak kontratu ida tanba fatin nee estadu nian,” esplika nia.
(alb)
