DILI, STLTIMORLESTE.com – Bankada Partidu Libertasaun Popular (PLP) iha Parlamentu Nasional husu Ministru Justisa (MJ) atu toma lalais medidas ba broker sira iha Diresaun Jeral Servisu Rejistu Notariadu (DJSRN).
Kestaun nee Xefe Bankada PLP, Maria Angelina Sarmento levanta liu husi plenaria iha Parlamentu Nasional, Segunda nee (24/03/2025).
“Ida nee hau foti dala hira ona iha plenaria, favor ida toma medidaa lalais ba broker sira iha Ministeriu Justisa atu halo atendimentu ba bilhete identidade, pasaporte no sertidaun RDTL, tanba ema barak sai vitima ona ba broker sira nee,” hatete Deputada, Maria Angelina Sarmento.
Nia hatutan, broker sira neebe halo atendimentu ba pasaporte, por ezemplu pasaporte nebee tuir lo-loos trata deit ba semana rua nian maibe dada too fulan ida no ida neebe trata ba fulan ida nia sai fali fulan tolu.
Nia dehan, kuandu populasaun sira la lori osan atu selu broker sira mak sira tenke pasiensia hein ho tempu neebe naruk, enkuantu tratamentu pasaporte ba objetivu hanesan estudus no sira neebe ba halo tratamentu saude urjenti mas labele hetan atendimentu neebe diak, tanba kuandu ba iha neeba broker sira mak simu situasaun sai pior no ema barak sai vitima ba ida nee.
(alb)
