DILI, STLTIMORLESTE.com – Primeiru Ministru (PM), Kay Rala Xanana Gusmão hatete, Banku Mundial la bolu atensaun mos sira hatene oinsa gasta osan.
Xefe Governu hatoo kestaun nee hodi responde pergunta husi jornalista STL, neebe husu kona-ba rekomendasaun husi Banku Mundial husu Governu Timor Leste atu gasta osan ho kuidadu, tanba fundu minarai sei hotu iha tinan 2036, hatan ba asuntu nee Primeiru Ministru dehan la bolu atensaun mos Governu hatene hela.
Primeiru Ministru dehan, Banku Mundial la bolu atensaun mos IX Governu hatene oinsa gasta osan povu nia ho diak, tanba saida Banku Mundial la bolu atensaun ba Governu Anterior neebe gasta osan arbiru no la fila ba kofre estadu.
“Nia labele bolu atensaun tanba ami hatene, ami hatene nee mak Banku Mundial la bolu atensaun ba Governu anterior neebe osan ba deit, la fila fali ba kofre estadu, nee sira la bolu agora mak sira bolu atensaun, obrigadu Banku Mundial, Banku Mundial bainhira J7+ durante tinan 3 hau sempre ba washintong ba lori rai sira J7+ nia neebe laiha osan para husu oinsa mak sira be iha hela konflitu J7+ too iha neeba buka rezolve laiha tiha mais ita dehan nunee sein pas nao a desenvolvimento, maibe bainhira hetan tiha ona pas mak ita laiha dezenvolvimentu sei fila fali ba problema, neebe lori ida nee ba diskute tinan-tinan lori rai sira husi Afrika nee mak ba,” katak Primeiru Ministru, Xanana.
Primeiru Ministru dehan, nia la lembra uluk iha sa tinan, maibe Primeiru Ministru ba ho sira J7+ konsege ajuda estabelese tiha pas, tanba sira iha hela funu laran.
“Ba koalia Prezidente Banku Mundial ba fali koalia ho tekniku sira simu osan boot tebes ami esklarese tiha mos sira koalia bla bla, ami esklarese, no esklarese Sekretariu Jeral ONU ba hasoru Prezidente Banku Mundial mais tanba nia akompanha diskusaun sira nee nia gosta hela be nia dehan husu ba SEKJER ONU katak o hein lai reuniuan nee hotu mak koalia, hotu tiha nia dehan nunee ba ami, aban imi mai fali, ami too iha neeba nia dehan nunee, hau hakarak ajuda imi, hau komprende ona imi nia problema hau hakarak husu ba imi atu husu ba doador sira tau osan iha Banku Mundial mak hau foin fo ba imi, ami nonok hotu ami sai hotu,” katak PM Xanana.
Primeiru Ministru dehan, husi nee buat neebe PM haree apoiu diak liu neebe Banku Mundial fo ba Timor Leste mak problema imprestimu, problema imprestimu nee mosu tanba haree ba infraestrutura bazika TL hasai hotu tiha osan, tanba nee mak Japaun mak fo uluk diskusaun iha ona Parlamentu neeba mak senhor Manuel Tilman dehan katak simu informasaun katak Banku Mundial mos hakarak fo, ida nee mak Banku Mundial fo apoiu konkretu nee mak iha imprestimu hodi halo estrada sira agora.
“Tanba nee mak ita iha hela negosiasaun ho kompanhia sira ho Governu Australia kona-ba Greater Sunrise, tanba nee mak obrigadu avizu husi Banku Mundial, obrigadu ba ida nee, kuandu ema gasta osan arbiru osan la tama ba kofre estadu rai hela, husi meredar eskolar rai hela nee Banku Mundial la hatene, sistema ida monta nee ami hetan apoiu liu mak husi Norwegia nee mak hanorin ita monta sistema finansas,” katak nia.
Aleinde nee tuir informasaun katak sei mosu remodelasaun iha tempu badak? Tuir Primeiru Ministru, ministeriu ida neebe mak sei bele hetan remodelasaun, hatan ba kestaun nee Primeiru Ministru dehan, husu ba ema neebe mak fo informasaun nee, laos husu fali PM, se tuir informasaun neebe rona entaun se mak fo informasaun ba husu nia, fo took karta ba PM para haree.
Foin lalais Banku Mundial sujere ba Governu Timor Leste atu bele gasta fundu ho kuidadu tanba fundu minarai sei hotu iha tinan 2035.
(eme)
