DILI, STLTIMORLESTE.com – Deputadu Bankada FRETILIN, Antoninho Bianco husu atu labele minimiza Partidu FRETILIN, tanba laiha FRETILIN laiha naran kodigu mosu barak-barak.
Nia dehan, FRETILIN mak ohin loron ema idak-idak naran kodigu mosu, tanba laiha FRETILIN laiha naran kodigu.
“Ita sira neebe sei moris tenke fo onra ba FRETILIN, erois mártires, iha Ailaran, Vila Laran, Frenti Diplomatiku sai sasin ba luta iha FRETILIN, tanba nee hotu-hotu neebé moris kontinua luta ida nee, rai libertadu maibe rihun ba rihun mak mate, fo onra ba sira”, katak Bianco iha debate proposta OJE 2025, iha PN, Dili,Tersa (19/11/2024).
FRETILIN tuir Deputadu nee diak ka aat too ohin loron sira kontinuadores sei metin, ho hanoin hirak nee nafatin defende FRETILIN, karik la gosta proposta alterasaun maibe labele minimiza FRETILIN, katak ida nee ida neeba.
Tanba prosesu luta hahu kedas, mai too ohin loron, balu hili partidu seluk, maibe sira nafatin iha FRETILIN. Halo dikusaun OJE labele liga too 1974 ka 1975.
FRETILIN papel husi inisiu too agora, ohin loron balu iha partidu seluk, maibe uluk iha FRETILIN, tanba nee labele minimiza FRETILIN.
Nunee mos Deputadu husi Bankada FRETILIN, David Dias Mandati katak, “Hau decissionadu ho senariu sira, hau hakarak koalia ba Maun Xanana, maske diferente maibe nafatin irmãos”, katak Mandati.
Nia dehan, mai ohin loron nia mos akompanha situasaun. Tanba nee husu atu hakalma aan.
Entretantu Primeiru Ministru (PM) Kay Rala Xanana Gusmão husu deskulpa ba FRETILIN tanba ofende, maibe tanba iha debate Deputadu balu hakilar katak Prezidente Republika la halo servisu, maibe ba halo populizmu ho ema sira iha sorin neeba konaba rekonsiliasaun.
(gui)
