DILI, STLTIMORLESTE.com – Banku Nasional Komersiu Timor Leste (BNCTL – sigla português) apoiu orsamentu besik US$ 5.000 ba feto sira iha Munisipiu 13 inklui Rejiaun Administrativa Espesiál Oekusi-Ambeno (RAEOA) no Atauro hodi halo negosiu.
Lia hirak nee hatoo husi Xefe Departamentu Planu Negosiu iha BNCTL, Francisco da Costa de Carvalho Belo iha Hotel Timor, Tersa loraik (24/06/2025).
Nia hatete, BNCTL agora daudaun finansia hela besik US$ 5000 ba inan feton sira neebe halo negosiu iha Munisipiu 13 inklui RAEOA no Atauro ho produtu Fiar Sigla Feto iha area rural.
“Fiar nee sigla Feto iha Area Rural ita foka liu ba inan feton sira neebe hakarak asesu ba iha finansiamentu ba sira nia negosiu ka atividade neebe mak hakarak hetan fali lukrutividade ba sira, ida nee mak ita fo produtu ida nee ba inan feton sira, ida nee laos foka deit ba feto maibe ba mane balun neebe hakarak atu ajuda nia parseiru, maske sira iha negosiu sira bele share para bele hetan asesu ba finansiamentu, ida nee mak produtu ida neebe BNCTL kria hodi bele eduka inan feton sira asesu ba inkluzaun finansia,” katak nia.
BNCTL distribui ona maizumenus ou ita finansia ona inan feton sira ho osan montante atu besik US$ 5000 resin, ita finansia iha munisipiu hotu kedas inklui RAEOA ho Atauro, ida nee ita finansia ona inan feton sira neebe halo nia vida iha negosiu,” katak nia.
Nia hatete, BNCTL mos iha kompromisu atu kria tan produtu ba alin feto foinsae sira neebe atu kontinua sira nia eskola, BNCTL apoiu atu dezenvolve konseptu atu produs produtu ida ba foinsae sira atu bele asesu mos ba finansiamentu.
“Agora daudaun BNCTL mos buka meius oinsa para adere ba iha distema dijital plataforma sira nee ita kria hotu ona hein para oinsa bele asesu finansiamentu liu husi sistema dijital,” katak nia.
Oinsa kriteriu bele asesu ba finansiamentu nee, hatan ba kestaun nee nia hatete, ida nee haree ba politika Governu nia mak kria kriteria sira neebe bele fasilita kliente sira bele asesu kualker podutu BNCTL asesivel ho kondisaun rai laran, ezemplu iha kriteria lubuk ida neebe bele difikulta maibe buka meius oinsa kliente sira bele asesu fasil.
Liga ho orsamentu neebe BNCTL apoiu ba feto iha vida negosiu maizumenus benefisiariu nain hira mak asesu? Hatan ba kestaun nee nia hatete, numeru kliente sira neebe asesu labele akrezenta lo-loos maibe estima deit katak bele liu ona dozentos pesoas, tanba ninia minimal balansu neebe mak BNCTL fo menus liu ou mais liu 25 mil ba feto sira iha area rurais.
Apoiu nee ba grupu ka individu, hatan ba kestaun nee nia hatete, bele mos apoiu ba grupu ou bele mos ba individu, karik iha lisensa grupu nia bele finansia ba iha grupu sira mak jere rasik grupu nee.
“BNCTL finansia ba grupu ka individu ida klaru katak iha mos ninia durasaun karik hanesan negosiu ida nee too bainhira ita sei termina tuir prosedimentu ida neebe iha,” katak nia.
Nunee mos Sekretaria Estadu ba Igualdade hatete, parte husi BNCTL komprimisu neebe sira iha mak hakbiit feto rural.
“BNCTL kompromisu neebe sira iha mak hakbiit feto rural, liu husi sira nia produtu finanseiru sira nee mak sira introdus kreditu fiar,” katak Sekretaria Estadu ba Igualdade.
Nunee mos Visi Embaixador Australia ba Timor Leste, Edward Willson hatete, Governu Australia orgulhu servisu hamutuk ho Governu Timor Leste atu fornese oportunidade ba feto.
“Australia rekonhese katak Timor Leste iha progresu diak iha area nee, no iha kompromisu atu apoiu Timor Leste hodi luta ba direitu feto no labarik sira,” katak Visi Embaixador Australia ba TL.
(eme)
