DILI, STLTIMORLESTE.com – Bolsa kandidatu profesores tinan 2024 hamutuk 187 remata ona prienxe termu aseitasaun, no iha tempu badak nia laran sira sei partisipa formasaun preparatoriu semana ida iha Rairobo Atabae, Munisipiu Bobonaro.
Diretor Nasional Rekursu Umanu iha Ministeriu Edukasaun, João Amaral dehan, formasaun preparatoriu ba bolsa kandidatu professores 187 nee, sei han tempu semana ida iha Raiboro.
“Ita nia bolsa kandidatu professores sira nee priense hotu ona termu aseitasaun nee, agora ami hein hela iha tempu badak nian laran nee bele partisipa ona iha formasaun. Termu aseitasaun nee hahu iha loron 18 too 23 de Agostu nee, agora remata tiha ona no hein deit formasaun ba sira,” katak nia ba STL, Kuarta (03/09/2025).
Joao hatutan, momentu iha priense termu aseitasaun nee semana ida, nee maka hahu halao iha loron 18 too 23. Konaba formasaun nee Ministeriu sei kordena ho parte INFORDEPE, depois sei fo sai informasaun, maibe formasaun nee iha fulan Setembru nian laran, la liu husi ida nee.
Jornalista: Jacinta Sequeira
Editora: Domingas Gomes
