DILI, STLTIMORLESTE.com – Diretor Ezekutivu Fundu Dezenvolvimentu Kapital Umanu (FDCH), Julio Aparicio hatete, bolsa parsial nee bazeia ba iha nesesidade Orsamentu Jeral Estadu, kuandu iha bele atende bolsa ida nee.
Julio Aparicio hatoo kestaun nee ba STL jornnalista sira iha nia knaar fatin, Kuarta nee (22/01/2025).
“Bolsa parsial, maibe haree ba iha area prioridade sira neebe governu iha, no ida nee bazeia ba iha nesesidade Orsamentu Jeral estadu, kuandu iha ita atende, maibe laiha, tinan ida nee ita sei haree, bazeia ba selesaun dokumetus neebe sira hatama iha 2024, husi Konselhu Administrasaun aprova tiha ona bazeia ba orsamentu 2025), ami prepara deit 55 pesoas deit, nee Konselhu Administrasaun aprova tiha ona, maibe ba tinan ida nee foun laiha,” dehan Julio ba STL, Kuarta nee (22/01/2025).
Nia dehan, iha tinan ida nee laiha, ba iha nasaun Portugal, Filipina, Indonezia, Tailandia, no balu iha Australia, New Zeland mos iha, ida neebe mak rejistu pledeminar foun nee 16 pesoas nunee.
Iha parte seluk, Diretor Ezekutivu TLCE, Jose Monteiro hatete, governu fo bolsu estudu ba Timoroan sira, maibe bainhira remata estudu nee uza rekursu umanu neebe mak prepara ona, dala ruma balu remata tiha la uza.
“Ita nian governu fo bolsu estudu ba Timoroan sira, maibe bainhira remata estudu nee uza rekursu umanu neebe mak prepara ona, dala ruma balu remata tiha la uza, nee duni ita haruka ona ita nian joven ba kontinua estudu, fila fali mai sira tenke kontribui, tanba sira ba nee Governu hasai osan,” dehan nia.
(jac)
