DILI, STLTIMORLESTE.com – Brunei Darusalam kontinua reafirma no konsolida sira nia aliansa entratejika ho Timor Leste ba apoiu Programa Dezenvolvimentu Setor importante sira.
Lia hirak nee hatoo husi Ministru Negosiu Estranjeiru no Koperasaun Bendito Freitas ba jornalista bainhira akompanha Ministru Negosiu Estranjeiru Brunei Darusalam hasoru malu ho Prezidente Republika Jose Ramos Horta iha palasiu Prezidensia Nicolau Lobato, Bairo Pite, Kinta (19/02/2026).
Ministru hatete, Brunei Darusala sempre apoiu Timor Leste dezde Timor Leste sai nuudar membru ASEAN, no agora kontinua reafirma konsolida liu tan parseria ka aliansa estratejika entre Timor Leste ho brunei ba programa dezenvolvimentu neebe iha setor edukasaun, kapasitasaun rekursu humanu agrikultura, saude, teknolozia, no konektividade.
“Ohin iha Palasiu Prezidensial Nicolau Lobato iha nee Ministru negosiu Estranjeiru husi Brunei neebe halo 2 dias vizita ofisial mai Timor Leste, hodiseik iha enkontru ida iha ministru negosiu Estranjeiru ohin dader tuku 9 reuniuan ho ita nia primeiru Ministru I agora lokraik nee hasoru ita nia Xefe Estadu Prezidente Republika Dr Jose Ramos Horta atu manifesta nafatin vontade husi Governu no povu husi brunei nia liurai Sultan ho povu brunei nia apoiu mai Timor Leste. Liu liu desde ita tama sai nuudar membru plenu ba ASEAN iha outubru 2025 agora prezensa ministru importante tebes atu reafirma konsolida liu tan parseria ka aliansa estratejika entre Timor Leste ho brunei ba programa dezenvolvimentu neebe iha setor importante sira hanesan edukasaun, kapasitasaun rekursu humanu agrikultura, saude, teknolozia, konektividade neebe ke importante tebes,” dehan Ministru Negosiu Estranjeiru Bendito.
Ministru hatete Brunei mos kontinua apoiu Timor Leste ba preparasaun prezidensia ASEAN iha 2029 mai.
“Husu apoiu tulun nafatin nuudar estadu membru husi ASEAN nia, brunei nia tulun ba ita futuru preparasaun prezidensia iha 2029 mai nee,” dehan Ministru Bendito Freitas.
Nunee mos Ministru Negosiu Estranjeiru Brunei Darusalam Dato Erywan Pehin Yusof hatutan ohin hasoru malu ho Prezidente Republika Jose Ramos Horta hodi kompleta nia vizita iha Timor Leste, no Brunei kontinua apoiu Timor Leste.
“Hau nia enkontru ofisial ho prezidente Jose Ramos Horta, atu kompleta hau nia Vizita, ofisial ba timorense, vizita ba timoroan, Brunei tau, importansia boot ba Timor Leste adezaun ba asean. ida nee konserteza laos istoriku deit, maibe atinjimentu signifikativu husi Timor Leste no jornada sei hahu,” dehan Ministru Negosiu Estranjeiru Brunei.
Ministru dehan Timor Leste hanesan membru foun ASEAN no no Brunei nafatin fo nia apoiu no progresu hamutuk ho Brunei dezenvolve hamutuk ida neebe importante tebes.
Nia hatete, iha hasoru malu ho prezidente halo diskusaun konaba Asean presiza sai forte iha mundu geopot, jeopolítiku, inserteza ida-nee. buat hotu akontese iha fatin hotu-hotu, maibe kalma nafatin atu sai ema aziatiku ida.
Iha biban nee Ministru Negosiu Brunei hatoo agradese ba Ministru Negosiu Estranjeiru Timor Leste bendito Frietas ba neebe akompanha ona nia, no ba Hospitalidade sira durante nia vizita ofisial mai Timor Leste.
(eme)
