DILI, STLTIMORLESTE.com – Bee Timor Leste, Empreza Publika (BTL, E.P) presiza servisu hodi melhora sistema Bee no Saneamentu iha Timor Leste, atu nunee povu labele halerik tan ba bee moos.
“Ita haree sistema bee no saneamentu nee importante tebes ba Estadu Timor Leste, oinsa bele molhora ho diak, nunee bee bele sai sufisiente ba povu Timoroan tomak atu asesu no uza, tanba ita hatene katak bee mak sai direitu ba moris,” dehan Prezidente Konselhu Administrasaun ba BTL, E.P, Gustavo da Cruz liu husi nia diskursu, iha salaun CNE, Dili, Tersa (29/10/2024).
Tanba tuir nia, durante sistema Bee no Saneamentu nia implementasaun efetivu iha, maibe iha mos falha ruma neebe presiza hadia, nunee setor emrelasaun Bee no Samentu bee sufisiente ba ema hotu atu uza,
Nunee bainhira atu reforma setor produtivu ida iha empreza publiku ida, la fasil hanesan ema nia hanoin, oinsa bele muda buat hotu, maibe bele nota oinsa halo mudansa ruma neebe iha, liu-liu ezekuta programa Bee no Saneamentu sai setor asesivel ba ema hotu.
“Ita fiar katak servisu balun neebe iha Governu anterior halo sei kontinu ho prosesu sira nee, atu bele hadia sistema Bee no Samentu neebe adekuadu no inkluzividade ba sosiedade,” nia hateten.
Iha fatin hanesan, Prezidente anterior, Carlos Peloi dos Reis agradese prosesu hirak neebe durante nee, sistematiza Bee no Saneamentu iha Timor Leste, sai sufisiente ba komunidade sira, hodi uza ba aguenta nesesidade uma laran.
Husi servisu ba sistema Bee no Saneamentu lao BTL, E.P mesak, maibe ho nia parseiru dezenvolvimentu sira, liu-liu Asiatic Development Bank (ADB) no mos ho parseiru sira seluk, durante nee fo ajuda, hodi sistematiza Bee no Saneamentu iha Timor Leste sai sufisiente ba komunidade sira hodi uza.
Tanba husi Bee no Saneamentu sai direitu ba moris, nunee husu ba Autoridade relevante sira atu servisu nafatin, oinsa bele dezenvolve setor infraestrutura liu-liu Bee no Saneamentu iha Timor Leste ho diak.
(EST 1)
